Battagghia di Ecnomu (310. a.C.)

Dâ Wikipedia, la nciclupidìa lìbbira.
Battagghia di Ecnomu (310. a.C.)
Data 310 a.C.
Locu Colli Ecnomu, ntê vicinanzi dû ciumi Imera Miridiunali vicinu Licata
Esitu Vitturia ri Cartaggini
Schieramenti
Cummannanti
Effittivi
Scanusciutu 45.000 òmini
Pèrditi
7.000 500

La battagghia di Ecnomu o di Imera si svurgìu ntô 310 a.C., e fu cummattuta tra i cartagginisi ri Amircari II e li sarausani ri Agatucli. La battagghia fa parti di la guerra grecu-punica pi lu cuntrollu di lu Meditirràniu uccidintali e di la Sicilia tra Cartaggini e Sarausa.

Nta lu 310 a.C. Amircari sbarcau n Sicilia, e nunustanti fussi dicimatu di na timpesta, s'accampau a Gela cu n'èsercitu di 45.000 òmini. Agatucli priuccupatu ca li citati e casteddi a iddu ustili putissiru passari di la parti du nimicu, chiossai pi Gela, ntrudussi a picca a picca i surdati finu a quannu ritinni d'aviri forzi sufficienti pi accusari lu populu gilisi ri tradimentu. Lassata la citati s'accampau nfrunti a li nimici e uccupau unu di li castiddi di Falaridi (Phalarion), mentri li cartagginisi tinìanu l'Ecnomu.

Pi troppu tempu nuddu s'azzardau a passari n forzi lu ciumi, Agatucli ncuraggiatu di lu successu su picca forzi cartagginisi c'avìanu attravirsatu lu ciumi, oltri passau cu tutti li sò forzi e attaccau lu campu nimicu. L'attaccu parìa ghiri a sò fauri quannu mpruvvisamenti pi li nimici arrivaru aiuti chi canciaru li sorti di la battagghia e cunzignaru a li cartagginisi la vittoria. Agatucli scunfittu s'arritirau a Gela spirannu ca lu nimicu pirdissi tempu nni l'assediu, ma n pocu tempu autri citati passaru cu Armicari e Agatucli custrittu abbannunau Gela pi arritirarisi a Sarausa.

Talia puru[cancia | cancia la surgenti]