Anna Finucchiaru

Dâ Wikipedia, la nciclupidìa lìbbira.
Anna Finocchiaro

Anna Finucchiaru (oppuru, 'n lingua taliana, Anna Finocchiaro Fidelbo) (Muòrica, 31 di marzu 1951) è na donna pulìtica siciliana. Hà statu Ministru dê Parigghi Uppurtunità.

Lauriata 'n Jurisprudenza, ntô 1981 addiveni funziunariu dâ Banca d'Italia ntâ filiali di Savona. Prituri a Liunforti1982 ô 1985, addivinni sustitutu prucuraturi ntô tribbunali di Catania nzinu ô 1987, annu unni vinni eliggiuta diputatu ntra li schieri dû Partitu Cumunista Talianu. Dû 1988 ô 1995 fu macari cunzigghieri cumunali a Catania, prima cu PCI e appoi cu lu Partitu Dimucràticu dâ Manca.

Ministru pê Parigghi Uppurtunità ntô mentri dû primu cuvernu di Rumanu Prodi, ntô 2001 cunfirmau lu sò postu â Càmmira dê Diputati candidànnusi cu li Dimucràtici di Manca. Ô avvicinàrisi di l'elizzioni pulìtichi dû 2006 sbarcau ô Sinatu e uttinìu nu novu mannatu parlamintari risurtannu eliggiuta ntâ circuscrizzioni Sicilia pi lu Ulivo.

Di lu 3 maggiu 2007 fu capugruppu a Palazzu Madama dû gruppu parlamintari di lu Ulivo.

È membru dâ siggritirìa nazziunali dê Dimucratici di Manca, di chisti è macari rispunzàbbili ô sitturi Justizzia.

Di lu 23 maggiu 2007 a statu una di li 45 membra di lu Cumitatu nazzionali pi lu Pattitu Dimucraticu.

A segguitu di la custituzzioni di lu gruppu di lu Partitu dimucràticu, a cunfimmarru capugruppu a palazzu Madama di lu rilativu gruppu parlamintari.

Lu 16 fibbraiu di lu 2008 accetta a candidatura a prisidenti di la regione Sicilia, ca ci propunierru na munzieddu di esponenti di lu PD e di l'Unioni

Liamenti sterni[cancia | cancia la surgenti]