Ariuportu di Palermu-Punta Raisi
![]() |
St'articulu fa parti dâ seria Trasporti e Vìculi |
Sizzioni Trasporti... |
Trasportu di passiggeri
|
Sizzioni Vìculi... |
Menzi di trasportu |
L'ariuportu ntirnazziunali Punta Raisi è l'ariuportu dâ cità di Palermu. A cuminciari di lu 1995 lu nomu ufficiali addivintau Falcone e Borsellino.
Storia[cancia | cancia la surgenti]
La storia di l'ariuportu nasci nnû 1953 quannu s'addicisi di criari un novu ariuportu pi sustituiri chiddu di Vuccadifalcu ca era addivintatu troppu nicu pô tràficu ca criava, era nfatti lu terzu scalu nazziunali. La nova struttura fu pronta nnû 1960. Lu pruggettu fu prisintatu nnû 1956 e appruvatu dâ Riggiuni e dû ministeru dî trasporti a Roma. Ufficiarmenti fu graputu ô princìpiu dô 1960, ma s'apprisintaru prubbremi, l'ariuportu, nfatti, s'attruvava nta na zona troppu vintusa e s'addicisi di custruiri n'àutra pista p'arrisorviri lu prubbrema.
Nnû 1995 veni graputa la nova ariustazzioni, cchiù granni e muderna di chidda di prima e la vecchia ariustazzioni addivintau n'ària distinata pi l'affittu dê màchini. Nnû 2001 si grapìu la stazzioni ferruviària cullicata cô centru di Palermu.
Ncidenti[cancia | cancia la surgenti]
Nta l'ariuportu e nnê vicinanzi s'hannu avutu 4 ncidenti:
- Lu schiantu di Montagna Longa dû volu Alitalia 112 dû 5 di maiu 1972, unni mureru tutti li 115 pirsuni d'intra a l'aeriu;
- lu disastru di Punta Raisi dû 1978, l'aèriu sbattìu contr'a lu mari e mureru 108 pirsuni, 21 arristaru vivi;
- la straggu di Ustica dû 1980, quannu mureru li 4 membri di l'equipaggiu e tutti li 77 passiggeri.
- lu ncidenti di l'ATR dâ Tuninter partutu di Bari e direttu a Tunisi, cu 16 morti.
Nùmmuru di passiggeri[cancia | cancia la surgenti]
![](http://upload.wikimedia.org/wikipedia/scn/thumb/4/45/Punta_Raisi.jpg/300px-Punta_Raisi.jpg)
Passiggeri
Li distinazzioni nazziunali (passiggeri)
- Roma (1.225.554)
- Milanu Linate (539.557)
- Milanu Malpensa(448.094)
- Bulogna (206.563)
- Vinezzia (178.618)
- Nàpuli (153.529)
Li distinazzioni ntirnazziunali (passiggeri)
- Londra Stansted (168.508)
- Colonia (84.454)
- Pariggi Charles de Gaulle (72.892)
- Stoccarda (54.872)
- Monacu (49.493)
- Barcillona (41.992)
Comu arrivari a l'ariuportu di Palermu[cancia | cancia la surgenti]
L'ariuportu s'attrova a 35 km di Palermu. Si si veni dâ cità, si camina na l'Autostrada A29 nnâ dirizzioni Trapani, si nesci pi “Punta Raisi - Aeroportu Falcone e Borsellino" e s'assicùtanu li nnicazzioni pi l'ariuportu.
Si si veni di Trapani, si camina nnâ direzzioni Palermu nni l'Autostrada A29, si nesci a “Punta Raisi - ariuportu Falcone e Borsellino”.
P'arrivari a l'ariuportu si pò usari macari lu trenu: lu sirvizzu Trinacria Express (la lìnia A di la metropulitana di Palermu) culleca la cità di Palermu cu l'ariustazzioni direttameni e ci vòlunu quachi 40 minuti, lu bigliettu custa € 5,00.
E' macari pussìbbili arrivari di Palermu a l'ariuportu cô tassì o cu l'autobussu.
Cumpagnii[cancia | cancia la surgenti]
![](http://upload.wikimedia.org/wikipedia/commons/thumb/4/47/TrawelFly_B737-400_EI-ELY_PMO_2010-08-17.jpg/220px-TrawelFly_B737-400_EI-ELY_PMO_2010-08-17.jpg)
Air Alps (Perugia)
Air Italy (Napoli)
Air Malta (Malta)
Air Nostrum (Barcillona, Madrid)
Alitalia (Milano-Malpensa, Milano-Linate, Roma-Fiumicino)
Easyjet (Milano-Malpensa, Londra Gatwick [stacionali])
Helvetic Airways (Zurigo)
Myair (Milano-Orio al Serio, Venezia, Foggia)
Meridiana (Bologna, Cagliari, Firenze, Milano-Linate, Parigi-Charles de Gaulle, Trapani, Verona)
Ryanair (Londra-Stansted, Pisa, Milano-Orio al Serio)
SAS (Oslo)
TUIfly (Berlino, Colonia, Hannover, Monaco, Stoccarda)
Transavia (Amsterdam, Parigi Orly)
Tunisair (Tunisi)