Abertzale
Di Wikipedia, la nciclupidìa lìbbira.
Abertzale èni na palora dâ Lingua basca, ca si pò attradùciri ccù "patriota" o nti autri casi ccù "nazziunalista".
[cancia] Uriggini
La sò uriggini èsti cchiuttostu nova.
Nfatti èni na palora cumpunuta di dù termini:
- aberri(a) ca voli diciri "patria" (pê vaschi Euskal Herria), nomu ca vinni ammintatu di Sabbinu Arana Guiri, patri di lu nazziunalismu bascu, ca campau ntra lu XIX sèculu e lu XX sèculu e funnaturi di lu Partitu Nazziunalista Bascu (PNV-EAJ)
- -tzale, palora ca è attraducibili ccù lu prifissu "filu-".
[cancia] Usu
La palora èni usata nurmalimenti pi parrari di li attivista dê muvimenti o partiti pulitichi baschi di strazzioni nazziunalista comu Batasuna, ETA ("Paisi vascu e Libbirtati", urganizzazzioni armata addifinuta comu tirruristica dâ Spagna, Unioni Aurupea e Stati Uniti), o lu Partitu Nazziunalista Bascu, macari siddu li memmura di stu partitu prifirisciunu essiri addifinuti ccô nomu di jeltzale, zoè adirenti a l'idiuluggia dû PNV-EAJ, ammeci ca ccù abertzale. Pi li gruppa ccù Batasuna ô spissu veni usatu la dinuminazzioni "manca abertzale" (ezkerra abertzale).
