Ziggy Marley

David "Ziggy" Marley (natu lu 17 di uttùviru 1968, Kingston, Giamaica) è un cantanti giamaicanu, lu figghiu cchiù granni di Rita e Bob Marley. Si nzignau a sunari chitarra e tamburi di sò patri, Bob Marley, lu ligginnariu cantanti roots rock reggae. Lu sò veru nomu era David Marley ma vinni suprannuminatu Ziggy 'n rifirimentu ô glam rocker britànnicu David Bowie e ô sò album, The Rise and Fall of Ziggy Stardust and the Spiders from Mars.

Nnô 1979, Ziggy e sò frati e soru, Cedella, Stephen e Sharon, fìciru lu dibuttu cu sò patri, "Children Playing in the Streets". Li Melody Makers, accussì vinneru canusciuti comu gruppu, sunaru uccasiunalmenti pì diversi anni, macari nnô funirali di sò patri nnô 1981. Lu sò dibuttu in LP fu Play the Game Right, ca era nu album orientatu assai supra lu pop, ca fici pigghiari a Ziggy assai crìtichi. La banna itichittata EMI disidirau ntrodùciri Ziggy ntô mircatu e accussì li Melody Makers jeru versu Virgin Records, unni iddi nciseru Conscious Party(1988, pruduciutu dî Chris Frantz e Tina Weymouth). Lu album appi successu e pupularità, comu fu doppu pî One Bright Day(1989) e Jahmekya(1991).

Cu l'anni '90 cuntinuaru, ma li vinnuti dî Melody Makers accuminciaru lintamenti a calàri, accuminciannu dî Joy and Blues(1993), Free Like We Want to Be (1995). Ziggy accuminciau a essiri puliticamenti àttivu nni stû pirìudu, travagghiannu cu l'ONU e criannu na banna chiamata Ghetto Youths Crew. N'album sìngulu, Dragonfly vinni nisciutu lu 15 di aprili 2003.

Fici lu duppiaggiu di na midusa rasta nnô film Shark Tale dû 2004, e cullabburau macari cu Sean Paul pâ culunna sunora dâ cupirtina dâ canzuni di sò patri Three Little Birds.