Wikipedia:Pupu di pezza

Dâ Wikipedia, la nciclupidìa lìbbira.
Jump to navigation Jump to search

Cuegghiè si pò arriggistrari ntâ Wikipedia criannu un cuntu cu nu nomu utenti ca pò èssiri lu pròpiu nomu veru, oppuru nu nomu di battàgghia (user name ntâ lingua angrisi). C'è la pussibbilitati di criari chiossai di nu cuntu:li secunni cunti vènunu saputi sèntiri pupi di pezza.
Nu pupu di pezza (o "sock puppet" ntâ lingua angrisi) eni picciò n'utilizzaturi dâ Wikipedia ca havi chiossai di nu cuntu e lu Wikipedianu ca utilizza nu sock puppet (<-- culligamentu a la vuci di la wikipedia angrisi) putissi essiri cunzidiratu appuntu nu 'pupu di pezza.

Utilizzari tanti cunti eni di sòlitu taliatu mali e scuraggiatu.
Ci sù pirsuni ca si sèrvunu di pupi di pezza pri viulari li liggi di la Wikipedia o pri criari zizzània, ma utilizzari "pupi di pezza" nun eni sempri na cosa nigativa.
Quannu ci sù pirsuni ca utilìzzanu "pupi di pezza", eni raccumannatu di criari nu cullicamentu a lu sò cuntu urigginali o primàriu, accussini veni cchiù fàcili a l'àutri utenti dâ Wikipedia di sapiri lu status di lu cuntu d'iddi.

Certuni pènzanu ca nu wikipedianu nun avissi aviri cchiossai di nu cuntu; àutri dìciunu ca si unu fà lu pupu di pezza pi na finalità giusta, annunca va beni accussini.
È cumunqui sicuru ca si lu pupu di pezza veni utilizzatu cu ntinzioni boni, allura lu cullicamentu cô cuntu primàriu veni fattu, ma si ammeci la ntinzioni è mala, comu p'asèmpiu pri editari supra a computer pùbbrichi accussini non si pò èssiri arrintracciati, nta stu secunnu casu è sicuru ca non veni fattu lu cullicamentu: pri ssu mutivu cu utilizza tanti cunti senza criari cullicamenti, veni taliatu malamenti.