Wikipedia:Apprufunnimenti dê nutizzi dâ pàggina principali/2009
Ccà s'attròvanu l'apprufinnimenti dè nutizzi misi ntâ pàggina principali e ca hannu la nicissitati di èssiri cuntati cchiù megghiu e cu chiossai dittagghi, oppuru c'hann'a èssiri arripigghiati ntê jorna ca vènunu picchì hannu stràstrichi, o àutri sviluppi.
Lampidusa: nu càrciri ntô menzu dû Miditirràniu
[cancia la surgenti]27 di jinnaru, martidìa
A Lampidusa ô cchiù prestu veni fattu nu novu "campu di cuncintramentu" pê clannistini: chistu è chiddu ca voli fari lu ministru di li nterni talianu, Robbertu Maroni. Ô postu di chiddu ca c'è ora, zoè nu Centru di primu succorsu e accugghieza, hà èssiri fattu nu "CIE" (Centru di idinnificazzioni e espursioni); picciò li clannistini vènunu trattinuti nta l'ìsula nzinu a quannu non vènunu cumpritati tutti li pràtichi pi l'alluntanamentu furzatu (pi nu màssimu di 180 jorna), mmeci di èssiri trasfiriti, comu vinìa fattu nzinu apprima, intra a 48 uri nti àutri centri d'accugghienza dâ pinìsula taliana. Dici ancora Maroni: "siddu lu Centru avissi a scuppiari, voli diri ca facemu àutri strutturi ca, tantu, lu spazziu l'avemu!" (n.d.r.:sempri a Lampidusa). Dìciunu l'abbitanti di Lampidusa: "Ma pirchì ssu "CIE" nun lu faciti ntâ Lummardìa, ca spazziu cci nn'è cchiossai ? - Forsi ca pi sarvaguardari li riggiuni dû nord si voli fari di Lampidusa na culònia pinali a celu apertu ?"
Gaza è na càmmira dâ morti
[cancia la surgenti]
La mattanza, dô spagnolu “matanza” (uccisioni) e dû latino "mactare" (uccìdiri), è nu mètudu anticu di piscadû tunnu, praticatu spiciarmenti ntâ pruvincia di Trapani. Ssu mètudu si basa ntô calari a mari na longa riti di sbarramentu ca pirmetti di guvirnari la dirèzzioni dê branchi dî tunni e di custringìrili a tràsiri nta diversi càmmiri (fatti sempri di riti), di unni, pirdennu l'urientamentu, nun ponnu cchiù nèsciri.
L’asèrcitu israelianu si vanta d'aviri ammazzatu nta sti jorna chiossai di 300 militanti armati e capi di Hamas e forsi n'autru tantu pi menzu dî raid. Ma urganizzazzioni umanitàrii pritènnunu di Israeli di stari accura a non ammazzari li palistinisi civili (si nni cùntanu quarchi 500 ntra fìmmini, vecchi e picciriddi), spiciarmenti ca chisti non ponnu fùjiri a nudda banna, dàtusi ca tutti li nisciuti dâ Striscia di Gaza sunnu siggillati.