Utenti:Michiluzzu Scalisi/Dittongu

Dittonghi

Lu dittongu (grecu διφθογγος, "díphthongos", cu dui sónura) inta la funética esti na cugnintura di dui vucóiti furmatu di nu lestu stralocu di nu vucóiti a n'autru, di paru intisu di cui ascuta comu na vucali única, intamía nu schettu funima vucálicu. Mentri li vucóiti símprici e munuttonghi sunnu discrivuti comu fónura fermi, li dittonghi inzértanu nu stralocu di la lingua.

Li munuttonghi vennu affigurati inta l'SFI di nu figura única, intamisiá li dui a di lu sicilianu pasta /'paʃta/. Nu dittongu poti siri cunziddiratu na vucali longa, l'articulazziuni di la quali nun esti ferma ma firringhidda. Intamisía, inta l'angrisi grass /ˈgɹɑːs/ avi nu sonu fermu e stinnicchiatu, mentri piccontra same /ˈseɪm/ avi nu sonu intunatu. Chistu veni cunziddiratu nu dittongu e trascrivutu cu dui figuri, la prima di li quali affigura lu locu di spartenzia di la catrecia di la lingua e lu sicunnu chidda d'agghicu. Di addunari-si-nni ca nun tutti li funitisti sunnu di cummegna incapu quali esti lu locu di spartenzia e d'agghicu di nu dittongu.

Inta la lingua siciliana unificata cci sunnu dui tipi di dittongu:

Li scinnenti impízzanu di na vucali di chiui pisu (tonu chiui autu, o chiui forti) e accábbanu di na menza vucali di minu pisu, comu /ai/ di "ai":

Dittongu scinnenti
Dittongu	Ascempru	English	Italiano	SFI
ai	purtái	aisle	avrai	/ai/
ei	dei	Marseille	direi	/ɛi/
oi	voi	toy	poi	/ɔi/
au	tauru	ouch	pausa	/au/
eu	meusa		feudo	/ɛu/

L'acchiananti impízzanu di na menza vucali di minu pisu e accábbanu di na vucali di chiui pisu, comu /ja/ di "ghiarnu":

Dittongu acchiananti
Dittongu	Ascempru	English	Italiano	SFI
ia	chianu	yard	piano	/ja/
ie	ghieffa	yell	piede	/je/
io	ghiómmaru	yolk	piove	/jo/
iu	chiui	you	più	/ju/
ua	guáddara	Guantanamo	guado	/wa/
ue	guerra	quest	guerra	/wɛ/
ui	guísina	queen	qui	/wi/
uo	uomma	whoa	nuoto	/wɔ/
va	varca	Guantanamo	guado	/wa/
ve	venti	quest	guerra	/wɛ/
vi	vídiri	queen	qui	/wi/
vo	vogghiu	whoa	nuoto	/wɔ/