Univirsitati di Malta

Dâ Wikipedia, la nciclupidìa lìbbira.

L' Univirsitati di Malta ('n maltisi L-Università ta' Malta e 'n anglisi University of Malta) è la cchiù mpurtanti stituzzioni univirsitaria di Malta. L'Univirsitati offri Bachelor's Degrees (trinnali), Master's Degrees (spicialìstica) e Dutturati (PhD).

Storia[cancia | cancia la surgenti]

L'Univirsitati fu prima canusciuta comu lu Collegium Melitense e fu funnata di lu vìscuvu Garagallo nti lu 1592. Era a l'accuminciari gistuta di li Gisuiti, comu l'Univirsitati di Missina. Doppu la jittata fora di li Gisuiti di l'ìsuli maltisi nti lu 1768, lu Collegium Melitense vinni ridiminziunatu e la stissa Univirsitati fu funnata arreri di lu Granni Maistru di li Cavaleri di Malta, Manuel Pinto da Fonseca, nti lu 1769. Napuliuni cunquistau Malta nti lu 1798 e l'Univirsitati fu chiuduta e stracanciata nti na stituzzioni d'aducazzioni francisi. Li francisi foru jittati fora di Malta nti lu 1800 e l'ìsuli addivìnniru na culònia britànnica. L'Univirsitati fu sistimata arreri sutta Sir Alexander Ball, cuvirnaturi di Malta. Nti lu 1938, re Giorgiu VI criau lu tìtulu di Royal University of Malta ("Riali Univirsitati di Malta"). La palora Royal 'n sècutu vinni livata di lu nomu di l'Univirsitati quannu Malta addivinni na ripùbbrica nnipinnenti nti lu 1974.

Facultati[cancia | cancia la surgenti]

  • Arti
  • Dintìstica
  • Ecunumìa, Amministrazzioni e Cuntabbilitati
  • Istruzzioni
  • Liggi
  • Midicina e Chirurgìa
  • Ncignirìa
  • Nfurmazzioni e Cumunicazzioni Ticnulògicca
  • Scienzi di la Saluti
  • Sviluppu Ambintali
  • Tiuluggìa

Liami Esterni[cancia | cancia la surgenti]