Tiurìa dî furmi di Pitrè
La tiurìa dî furmi fa parti dâ Grammatica Siciliana di Giuseppe Pitrè (pubbricata ntô 1875). Si tratta supratuttu dî furmi grammaticali dâ lingua siciliana. Sutta putiti truvari na parti, 'n òrdini di comu veni prisintatu di Pitrè ntô so libbru.
Artìculi
[cancia | cancia lu còdici]Ditirminativi
[cancia | cancia lu còdici]Singulari:
| Maschili | Fimminili | ||
| Nom e Acc. | Lu, 'u | La | |
| Gen e Abl. | Di lu, d'u | Di la, d' 'a | |
| Dat. | A lu, a 'u, ô | A la, a 'a, â |
Plurari:
| Nom e Acc. | Li | |
| Gen e Abl. | Di li, d' 'i | |
| Dat. | A li, ê |
Nditirminativi
[cancia | cancia lu còdici]Singulari:
| Maschili | Fimminili | ||
| Nom e Acc. | Un, nu | 'na | |
| Gen e Abl. | D'un | Di 'na | |
| Dat. | A un, ôn | A na |
Nomi
[cancia | cancia lu còdici]Gèniri
[cancia | cancia lu còdici]Sti nomi sunnu fimminili: ficu, manu e soru; e arrèstanu senza canciamentu nnô plurali.
Sunnu maschili: lu dilizziu, lu frunti, lu fruntuzzu, lu leccu, lu scrufulu, lu forzu, lu schinu; e fimminili: la pàsima, l'esami, la raja, la viaggia, la vommara e la ciura.
Nùmmura
[cancia | cancia lu còdici]Sti nomi maschili pìgghianu l'«a» nnô plurali: libbra, jardina, vòscura, tèmpura, jòcura, còrpura.
Sti nomi sunnu singulari ntô sicilianu: la forficia, la lenti, l'ucchiali.
Aggittivi
[cancia | cancia lu còdici]Gradi
[cancia | cancia lu còdici]L'aggittivi cumparativi: megghiu, peju, minuri, majuri (o maggiuri), suprajuri, nfiriuri, ricèvinu quasi sempri l'artìculu cchiù: cchiù suprajuri, cchiù maggiuri, cchiù megghiu.
Lu superlativu si fa usannu l'artìculi ditirminativi: lu, la.
Cc'e' macari la manera di fari lu superlativu pi menzu di l'avverbiu veru, chi signìfica assai: veru beddu, veru duci, longu veru. Si ripètiri p'aviri lu stissu senzu: duci duci; longu longu; nicu nicu.
Pussissivi
[cancia | cancia lu còdici]- miu, meu, me e mia, me; nostru/nostra/nostri
- to e tua, to; toi; vostru/vostra/vostri
- so e sua, so; soi; soi.
Quantatitivi
[cancia | cancia lu còdici]L'aggitivu quantitativu quantu nun si cancia pi gèniri, nè pi nùmmura; p'asempiu: «A Taurmina quantu su' l'acchianati su' li pinnina»; «Qauntu amici si perdinu tanti scaluna di scinninu».
Dui nun signìfica sempri nu nùmmuru pricisu, pò rifiriri a na quantitati nditirminata: «Vi purtai du' cusuzzi; datimi du' coccia di racina».
È cumuni usari vintina pi cuntari, spiciarmenti pi l'anni: «Quant'anni aviti? - Tri vintini e deci» (sittant'anni).
Prunomi
[cancia | cancia lu còdici]Pirsunali
[cancia | cancia lu còdici]| Singulari | Plurali | ||
| Nom. | Io, iu | Nui, nuatri | |
| Gen e Abl. | di mia | di nui, nuatri | |
| Dat. | a mia, mi | a nui, nuatri | |
| Acc. | mi, mia | nui, nni |
| Singulari | Plurali | ||
| Nom. | Tu | Vui, vuatri | |
| Gen e Abl. | di tia | di vui, vi | |
| Dat. | a tia, ti | a vui, vi | |
| Acc. | ti, tia | vi |
| Singulari | Plurali | ||
| Nom. | Iddu | Idda | Iddi |
| Gen e Abl. | d'iddu | d'idda | d'iddi |
| Dat. | a iddu, cci | a idda, cci | a iddi, cci, li |
| Acc. | lu, 'u, cci | la, cci | li, cci |
Io nnî varî parrati passa 'n iu, eu, jeu, jè, jò, ju, i', ia, jua. Li littirati scriveru quasi tutti: jeu, iu e eu.
Nui nun si usa mai or quasi mai a sulu, chiossai si nn'attròvanu: nuatri, nuàutri, niàtri.
Vui si pò usari parrannu a pirsuna a cui si duna lu voi â manera francisi.
Dimustrativi e Rilativi
[cancia | cancia lu còdici]Li prunomi dimustrativi: chistu, chista, chisti; chissu, chissa, chissi; chiddu.
Sti tri prunomi sunnu macari aggittivi, ma e' cchiù cumuni ca nni pèrdinu la prima silabba: stu, sta, sti; ssu, ssa, ssi; ddu, dda, ddi.
Si pò agghiùnciri n'avverbiu a ciascunu p'èssiri cchiù pricisu: chistu ccà, chissu ddocu, chiddu ddà.
Li prunomi rilativi sunnu lu quali, la quali, li quali; chi ca cui: «Cu' duna pani a lu cani di cui, perdi lu pani e lu cani cchiui» (pruvverbiu).
Verbi
[cancia | cancia lu còdici]Aviri e Essiri
[cancia | cancia lu còdici]Nnicativu prisenti:
| Haju, hè | Sugnu | |
| Hai | Si' | |
| Havi, ha | E' | |
| Avemu | Semu | |
| Aviti | Siti | |
| Hannu | Su', sunnu |
Mpirfettu:
| Avìa | Era | |
| Avivi | Eri | |
| Avìa | Era | |
| Avìamu | Èramu | |
| Avìavu | Èravu | |
| Avìanu | Èranu |
Passatu rimotu:
| Appi | Fui | |
| Avisti | Fusti | |
| Appi | Fu | |
| Àppimu | Fômu | |
| Avìstivu | Fùstivu | |
| Àppiru | Fôru |
Cungiuntivu mpirfettu:
| Avissi | Fussi | |
| Avissi | Fussi | |
| Avissi | Fussi | |
| Avìssimu | Fùssimu | |
| Avìssivu | Fùssivu | |
| Avìssiru | Fùssiru |
Verbi Rigulari
[cancia | cancia lu còdici]Nnicativu prisenti:
| Purtari | Ripètiri | Finiri |
| Portu | Ripetu | Finisciu |
| Porti | Ripeti | Finisci |
| Porta | Ripeti | Finisci |
| Purtamu | Ripitemu | Finemu |
| Purtati | Ripititi | Finiti |
| Pòrtanu | Ripètinu | Finìscinu |
Mpirfettu:
| Purtari | Ripètiri | Finiri |
| Portava | Ripitìa | Finìa |
| Portavi | Ripitivi | Finivi |
| Portava | Ripitìa | Finìa |
| Purtàvamu | Ripitìamu | Finìamu |
| Purtàvavu | Ripitìavu | Finìavu |
| Purtàvanu | Ripitìanu | Finìanu |
Passatu rimotu:
| Purtai | Ripitivi | Finivi |
| Purtasti | Ripitisti | Finisti |
| Purtau | Ripitìu | Finìu |
| Purtamu | Ripitemu | Finemu |
| Purtàstivu | Ripitìstivu | Finìstivu |
| Purtaru | Ripiteru | Fineru |
Cungiuntivu mpirfettu
| Purtassi | Ripitissi | Finissi |
| Purtassi | Ripitissi | Finissi |
| Purtassi | Ripitissi | Finissi |
| Purtàssimu | Ripitìssimu | Finìssimu |
| Purtàssivu | Ripitìssivu | Finìssivu |
| Purtàssiru | Ripitìssiru | Finìssiru |
Verbi nun rigulari
[cancia | cancia lu còdici]Nnicativu prisenti:
| Dari | Vidiri | Jiri |
| Dugnu | Viju | Vaju |
| Duni | Vidi | Vai |
| Duna | Vidi | Va |
| Damu | Videmu | Jemu |
| Dati | Viditi | Jiti |
| Dùnanu | Vìdinu | Vannu |
Mpirfettu:
| Dava | Vidìa | Java |
| Davi | Videvi | Javi |
| Dava | Vidìa | Java |
| Dàvamu | Vidìamu | Jàvamu |
| Dàvavu | Vidìavu | Jàvavu |
| Dàvanu | Vidìanu | Jàvanu |
Passatu rimotu:
| Detti | Vitti | Jivi |
| Dasti | Vidisti | Jisti |
| Detti | Vitti | Jìu |
| Dèttimu | Vìttimu | Jemu |
| Dàstivu | Vidìstivu | Jìstivu |
| Dèttiru | Vìttiru | Jeru |
Cungiuntivu mpirfettu:
| Dassi | Vidissi | Jissi |
| Dassi | Vidissi | Jissi |
| Dassi | Vidissi | Jissi |
| Dàssimu | Vidìssimu | Jìssimu |
| Dàssivu | Vidìssivu | Jìssivu |
| Dàssiru | Vidìssiru | Jìssiru |
Modi e tempi
[cancia | cancia lu còdici]Lu passatu rimoti pigghia quasi sempri lu postu dû passatu pròssimu comu lu latinu. Per lu futuru cumpostu, veni usata sta frasa: Haju a fari, haju ad aviri.
Lu futuru sèmprici nun si usa cchiù, usannu mmeci lu prisenti nnicativu: «N'âtr'annu, si voli Diu e campamu, nni videmu cu saluti».
Nun si usa cchiì lu prisenti dû cungiuntivu, usannu mmeci lu prisenti nnicativu pricidutu dâ cunjunzioni: ca o chi. La ccizzioni asisti pi certi verbi e cunjugazzioni, p'asempiu: sia, vegna, fazza.
Li vuci cunnizziunali si ùsanu raramenti, sustituennu àutri formi, comu lu mpirfettu e lu chiuchipirfettu cungiuntivu, propiu nnâ manera latina: «Iu nun avissi nuddu timuri di vèniri si sapissi ca la casa arriniscissi»; «Putìssivu favuriri a la me casa>»;«Si li cosi si sapìssiru, gran cosi si facìssiru».
Àutri assirvazzioni
[cancia | cancia lu còdici]Quannu si tratta di nu cumprimentu di pirsuna, sia nomu, sia prunomu, chissu cumprimentu ricevi la pripusizzioni a (ad lat.), p'asempiu: «Iu cercu a me frati»; «Cu voli a mia, aspittassi a me patri». Quannu e' nu cumprimentu di na cosa, e' un accusativu senza pripusizzioni: Cercu un libbru; Cu voli dinari, vaja a lu bancu; Tintu cu ajutu di parenti aspetta. St'usu mustra nu cunfruntu cû spagnolu e latinu.
La vuci du participiu passatu nnî tempi cumposti a cui apparteni s'arresta mmariàbbili pi gèniri e pi nùmmuru, p'asempiu: «Ha vinutu me frati?»; «Ha vinutu me soru?»«Hannu vinutu nutizzii?». S'attrova la ccizzioni nta stu tipu di custruzzioni: «Vinuti chi foru, s'hannu misu tutti a tavula». Nnî verbi di forma passiva lu participiu passatu a cui si unisci l'èssiri tèrmina 'n u pû maschili, 'n a pû fimminili, 'n i pû plurali d'ogni gèniri.
Nnô sicilianu sunnu friquenti li furmi riflissivi chi nun lu sunnu nnô latinu, p'asempiu: «Iu mi manciai un piru»; «Ti la vidisti la miss?»; «Me frati si nsunnau».
Li terzi pirsuni singulari e plurali àttivi addivèntanu passivi pi menzu dâ vuci si. Nnî tempi cumposti ricèvinu 'n sicilianu l'ausiliari aviri e nun l'èssiri: «s'ha circatu», «s'avìa circatu»,
Nzècutu, si usa quasi sempri sulu aviri comu nu verbu ausiliari: «Ha chiuvutu»; «ha scampatu»; «ha truniatu»; «haju vinutu»; «haju trasutu»; «s'avìa pintutu»; «s'avìa scurdatu»; «ha successu», «ha divintatu», ecc.
Avverbi
[cancia | cancia lu còdici]Di locu
[cancia | cancia lu còdici]- Ccà, ddocu, ddà, supra, ncapu, sutta, addabbanna, addavia, a jiri ddà, a sta banna, a sta via, jusu, susu, unni, a tutti banni, cci.
Di tempu
[cancia | cancia lu còdici]- Ora, antura, poi, dipoi, doppu, ajeri, avanteri, oj, dumani, stamatina, stasira, doppudumani, tannu, quannu, mmeri, mmersu.
Di modu
[cancia | cancia lu còdici]- Beni, mali (e megghiu e peju, gradu cumparativu), comu, ammucciuni, prestu, accussì, accuddì, nùtili, ntôn fiat, ntôn vidiri, ntôn fallanti, a la sdossa, a la bona di Diu, manu manu, a manu a manu.
Quantità
[cancia | cancia lu còdici]Cchiù, mmidiatu, menu, assai, picca, tanticchia, anticchia, tantu (variàbbili)
Vari
[cancia | cancia lu còdici]Si, no, nun, unni, mai, siccomu, dunqui, addunca, unca, ca, sparti, nnamentri, stamentri, gnursì, nnasi, nnanò.
Pripusizzioni
[cancia | cancia lu còdici]'N, nni, pi, pri, jintra, ntra, nta, di, a cu, e li cumposti di sti pripusizzioni e di l'artìculi: pi lu, p' 'u, pi la, p' 'a, pi li, p' 'i, di lu, d' 'u, d' 'a; ncapu, ncostu, sina, fina, nfina, p'assina, mmeri, mmersu, nfacci, a l'affaciu.
Cunjunzioni
[cancia | cancia lu còdici]Chi, ca, puru, ancora, midemmi, midemma, mmidè, ma, picchì, parò, sparti, aliunna, mancu, sippuru, mmeffi.