Timuliunti

Timuliunti (n grecu anticu Τιμολέων; Corintu, 411 a.C. circa – Sarausa, 335 a.C. circa) fu nu politicu e cunnutteru siciliota. Fu mannatu di COrintu a Sarausa pi libbirari la citati dâ tirannidi, sfruttannu l'anticu liami tra cità-matri e culonia n Sicilia.

Li mura Timuliuntìi di Gela

Biografìa

Nasciutu di na famigghia nòbbili, Timuliunti accuminzau na carrera militari tìpica dê masculi appartinenti ê famigghi corinzi, Versu lu 370 si scuntrau cu sò frati ca ntô frattempu avìa accumulatu nu putiri assai mpurtanti a Corintu, ô puntu ca l'esercitu dumannau a Timuliunti di capiari nu muvumentu pi distituìrilu. Finìu ca TImuliunti fu accusatu di l'ammazzatina di sò frati. Siccomu na bona parti dâ pupulazzioni ritinìa ca Timuliunti avìa cuntribbuitu a sbarazzari la cità di Corintu di la tirannidi, l'accusa appoi cadìu, ma Timuliunti nun appi cchiù ncàrrichi mpurtanti a Curintu.

La spidizzioni a Sarausa

Ntantu la pupulazzioni sarausana avìa addumannatu a Corintu n'aiutu contra la tirannidi di Dionisiu II. Timuliunti fu misu n capu a na spidizzioni militari ca doppu aviri criatu nu quariteri ginirali a Adranon, arriniscìu a battiri Dionisiu ca appi aggh'irasinni n esiliu a Corintu, unni morsi pòviru.