Surfara
La surfara è na minera unni s'estrai lu sùrfaru. Anticamenti lu sùrfuru s'arricugghìa senza tantu abbisognu di scavari picchì cci nn'era tantu assai ca abbastava na pala, nu picu e nu cufinu. Fu a partiri dô seculu XVIII ca cci accuminzò a èssiri la nicissitati di scavari ntî li cavi sempri cchiù a funnu picchì la dumanna era sempri cchiù àuta. Li mineri s'accuminzaru a scavari cû puzzi e lavanchi; cu scalinati a rutta di coddu stritti e tantu vasci ca cci passavunu sulu li carusiddi. Ntonzi li pirriatuti calavanu nzinu n funnu pi scavari cô picu e li carusi acchianavanu li cufina carrichi. Scavannu scavannu s'agghicava videmma n funnu pi centu metri e cu ci travagghiava nun vidìa mai lu lustru dô suli. Trasìa pi matinu prestu e niscìa cu scuru fittu. Pi chissu lu scritturi di Girgenti Luiggi Pirandellu scrissi dda storia Ciaula scopri la luna.
Lijami nterni
[cancia | cancia la surgenti]
