Sunettu a bucca

Artìculu n vitrina
Dâ Wikipedia, la nciclupidìa lìbbira.
Sunetti a bucca

Lu sunettu a bucca è nu strumentu musicali a ciatu, ammintatu prubbabbirmenti ntô 1821tudiscu Buschmann. Stu strumentu è fattu principarmenti di tri parti: nu corpu cintrali (comb), dui placchetti porta anci e li rivistimenti di fora (covers). Lu sonu veni pruduciutu di làriu ca fà vibbrari li "anci" (lameddi d'uttoni fini-fini attaccati ê placchetti di susu e jusu, macari chisti d'uttoni). Li placchetti sunnu misi appujati supra a nu corpu cintrali fattu di sòlitu di lignu o pràstica. Tutti ssi cosi sunnu chiuruti nta na carcassa di mitallu, ca, macari idda, faci di càscia di risunanza.

A secunnu dâ ntunazzioni di l'anci, si ponnu aviri tanti tipi e tunalità di armònichi. 'N ginirali li dui principali catigurìi di armònica sunnu:

  • armònica diatònica ca pi ogni uttava pirmetti di sunari sulamenti setti noti (chddi di nu particulari gruppu di tunalità);
  • armònica crumàtica ca pi ogni uttava pirmetti di sunari tutti li dùdici noti.

Lu sunettu a bucca veni utilizzatu ntâ mùsica pupulari, ntô blues e jazz e ntâ mùsica cràssica.

Ntâ mùsica rock[cancia | cancia la surgenti]

Nti l'anni '60 Bob Dylan avia addivintatu famusu sunannu nu sunettu nti assai dî sò canzuni. N Italia ci fu Eduardu Binnatu ca usau lu sunettu pi diversi canzuni di successu nti l'anni '80.

Ntô cìnima[cancia | cancia la surgenti]

La pillicula cchiù canusciuta ca metti n evidenza nu sunaturi di sunettu `cu na mpurtanza cintrali pâ mùsica è forsi la pillicula di Sergiu Liuni C'era na vota ntô west. La culonna sonora fu cumpunuta di Enniu Morriconi.

Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 12 di sittèmmiru 2011

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina