Enniu Morriconi

Enniu Morriconi (Roma, 10 novembre 1928 – Roma, 6 luglio 2020) fu nu cumpusituri talianu cèlibbri, canusciutu pi scrìviri mùsica pî pillìculi, spiciarmenti pû gèniri dû spaghetti western. Lu sò stili spiciali di cumpuniri pi sta speci di pillìculi è rapprisintatu ntô spicìficu dâ mùsica chi iddu scrissi pi "Lu bonu, lu làdiu, lu tintu" di Sergiu Leone, lu reggista cu cui iddu travagghiò assai facennu tanti e beddi cosi pi tanti anni.

La pruduzzioni di Morriconi cunta puru assai cumpunimenti ca nun nasceru pû cinima e ca appartìninu ô gèniri dâ musica di oggi: òpiri pû tiatru, travagghi sinfònichi e pi sulisti e urchestra, cumpunimenti pi coru, musica di càmmara, e àvutri...

Enniu Morriconi fu Accademicu di l'Accademia Nazziunalu di Santa Cecilia e puru sociu d'ssai tempu dâ mpurtanti assuciazzioni "Nuova Consonanza" ca fa ntî l'Italia na parti mpurtanti pâ vìnnita e la criazziuni dâ musica di oggi. Morriconi vinnìu chiossai di 40 miliuna di dischi.

Li travagghi cu Sergiu Leone

Morriconi e lu reggista Sergiu Leone frequentavanu picciriddi li stessi scuoli, e nna l'annu 1964 accuminciarunu a travagghiari 'nsemula. A ddu tiempu Morriconi accuminciò a travagghiari puru cu Bernardo Bertolucci. A prima musica chi scrissi pi Leone fu pu' film Un pugnu ri picciuli nna l'annu 1964, continuannu pi tutta a serie ri pilliculi spaghetti-western du reggista romano: Pi qurchi picciulu chiossai; Lu buonu, lu lariu, lu tintu; C'era na vota u West (1.260.000 dischi vinnuti 'n Francia), Calati a tiesta. Na società chi continuò sino a l'urtima pillicula ri Leone, lu firm ri gangster C'era na vota 'a Merica.