Sittèmmiru 2005

Dâ Wikipedia, la nciclupidìa lìbbira.
Jump to navigation Jump to search
2004 Abbinimenti dû 2005 2006
Jinnaru 2005 | Frivaru 2005 | Marzu 2005 | Aprili 2005 | Maiu 2005 | Giugnu 2005 | Giugnettu 2005 | Austu 2005 | Sittèmmiru 2005 | Uttùviru 2005 | Nuvèmmiru 2005 | Dicèmmiru 2005
Colorful houses in New Orleans.jpg

3 di sittèmmiru, sabbatudìa

  • New Orleans (USA) - Li nutizzî ca agghicanu di la citati di New Orleans, fannu pinzari ca mureru migghiara di pirsuni doppu la nundazziuni di la cità. Li mmàggini di New Orleans pàrinu chiddi di na cità dû Terzu Munnu. Ntô mentri accumìnzanu li pulèmichi supra cu havi la rispunzabbilità di chiddu ca succidìu.

5 di sittèmmiru, lunidìa

  • Giacarta (Indunesia) - Un Boeing 737-200 di la cumpagnia privata Mandala, cu 117 passaggeri, cadìu ncapu a un quarteri chinu di casi, sùbbitu doppu aviri dicullatu di l'ariuportu di Medan, cità di l'ìsula di Sumatra. Mureru armenu 166 pirsuni, di li quali na sessantina s'attruvàvanu nta li strati; pari ca ci sunnu sulu 13 supèrstiti.

Atr Palermu.PNG

6 di sittèmmiru, martidìa

  • Palermu (Italia) - S'accumìnzanu a cumprènniri li mutivi di la caduta ntô mari nfacci a Capu Gaddu (Palermu) di l'Atr 72 di la cumpagnìa Tunintair: lu jornu prima dû disastru foru canciati li ndicaturi dû liveddu di carburanti ma, pi sbagghiu, foru muntati chiddi pi l'Atr mudellu 42. Pò èssiri ca l'ariupranu partìu di Bari cu picca carburanti ma lu pilotu nun si nni potti addunari picchì li strumenta nun ci lu dicìanu. Dunca l'ariupranu probbabbilmenti cadìu picchì arristau senza cheruseni.

8 di sittèmmiru, jovidìa

  • Lu prisidenti di l'Ucraina, Viktor Yushenko, sciogghi lu cuvernu fidirali. Tutti li ministri si nn'hannu pirdutu li soi pusizzioni.

11 di sittèmmiru, duminicadìa

  • Nova York (USA) - La Mérica si firmau sta matina a li 8:46 pi cummimurari lu 4° annivirsariu di l'attintatu a li Turri Giameddi.
  • Roma (Italia) - La nazziunali taliana di pallavvolu, capitanata di lu missinisi Valeriu Vermiglio, vincìu la midagghia d'oru a li campiunati eurupei 2005, cunfirmànnusi la megghiu di tuttu lu cuntinenti doppu lu successu di dui anni narreri, battennu la Russia pi 3 a 2.

Ashes urn.jpg

12 di sittèmmiru, lunidìa

  • Londra: La Ngriterra sta fistiggiannu. Dopu na vintina d'anni, firnarmenti vinci The Ashes cuntra l'Australia ntô sport di Cricket. Jucannu lu quintu test, s'avìanu jucari tutti li cincu jorna pi dicidiri l'urtima partita pû fattu di tanti abbenti a causa d'assai acqua.

15 di sittèmmiru, jovidìa

  • Palermu (Italia) - La squatra dû Palermu vinci la sò prima partita dâ Coppa UEFA pi 2-1 contra l' Anorthosis Famagusta di Cipru.

18 di sittèmmiru, duminicadìa

  • Girmania - Lu partitu dâ CDU, di centru-destra, guidatu di Angela Merkel vinci li elezzioni legislativi contra la cualizzioni di centru-sinistra guidata dâ SPD, ma la cualizzioni di centru-destra (CDU e FDP) nun havi la maggiuranza assuluta dî seggi. E' pussìbbili ca na Große Koalition si forma.

20 di sittèmmiru, martidìa

  • Palermu (Italia) - Stamatina nasceru, nni lu spitali "Civicu" di Palermu, dui gimidduzzi siamisi, figghi di mmigrati marucchini. Sunnu junciuti ntra di iddi nni la parti turàcica.
  • Cubba - La timpesta Rita si trasfurmau nta n'uraganu e s'abbicina a Cubba.

21 di sittèmmiru, mercuridìa


22 di sittèmmiru, jovidìa

  • Palermu (Italia) - Stamatina mureru li dui gimidduzzi siamisi c'avìanu nasciutu avanteri.

23 di sittèmmiru, venniridìa

  • Washington (USA) - L'uraganu Rita avissi a arrivari a l'ottu di dumani matina ntô Texas; nnû frattempu miliuna di pirsuni si nni stannu jennu di li so' casi pi evitari di èssiri pigghiati 'n chinu di la timpesta.

Texas e Luisiana.PNG

24 di sittèmmiru, sabbatudìa

  • Washington (USA) - L'uraganu Rita arrivau ê deci di stamatina ntô cunfini ntra Texas e Luisiana; s'avìa trasfurmatu 'n sèmplici timpesta. La zona cchiù ntirissata è chidda di Lake Charles ma pari ca nun ci foru morti. Rita fici, nveci, assai danni a una di li cchiù mpurtanti raffinirii di pitroliu, chidda di la cumpagnìa Valero Energy Corp, a Port Arthur.

25 di sittèmmiru, duminicadìa

  • Varsavia (Pulonia) - Secunnu li exit poll di la televisioni privata Tvn, lu partitu di destra Pis (Dirittu e Giustizzia) vincìu l'elizzioni dâ Pulonia cu lu 28,26 %; secunnu arrivau lu partitu di centru Po cu lu 26,35 %. Li dati ufficiali nun sunnu ancora dispunìbbili.
Logu dî Swans

29 di sittèmmiru, jovidìa

  • Trapani: cumìnzanu l'Act 8 e 9 di la Louis Vuitton Cup, regati priparatori di l'America's Cup di vela.
  • Nicusìa (Cipru) - La squatra dû Palermu batti l'Anorthosis Famagusta pi 4 a 0 (Caracciolo, Makinwa, Santana, Makinwa) e si qualìfica pi la fasi succissiva di la Coppa UEFA.

Viditi puru[cancia | cancia la surgenti]