Sciroccu (ventu)

Dâ Wikipedia, la nciclupidìa lìbbira.
Lu Sciroccu ca porta la rina dû Sahara nta li paìsi dû Miditirràniu

Lu sciroccu (di l’àrabbu شرقي "sciarqi" o "sceluqi", ca signìfica est ntô senzu di urienti) è nu ventu càudu ca ciuscia di sud-est.

Ntâ Sicilia è assai famusu e arricurdatu. S'arricanusci sùbbutu quannu agghica picchì porta na nigghicedda accupusa e giarnastra. A Missina nun si vidi cchiù la costa calabbrisa. Si mmatti quannu chiovi, la rina russa dû disertu s'ammisca cu l'acqua lurdànnula e criannu camurrî pâ pupulazzioni.