Sciccareddu (jocu)

Dâ Wikipedia, la nciclupidìa lìbbira.
Jump to navigation Jump to search

Lu jocu dû sciccareddu o lu sceccu è un jocu ca si fa chî carti siciliani. Si pò jucari ntra quantu si voli, ma nun troppi picchì li carti hannu a bastari.

Dû mazzu dî carti si scàrtanu tri scecchi e si nni lassa sulu unu, si dùnanu poi tutti li carti a tutti li jucatura, ogni jucaturi poi scarta dî propî carti chiddi ca su' uguali di valuri; quannu tutti fineru di scartari li carti uguali, ogni jucaturi metti n terra li carti ca ci ristaru tinènnuli cummigghiati; allura a giru ogni jucaturi pigghia na carta di chiddi dû jucaturi allatu e, si pi casu havi na carta dû stissu valuri, pigghia li du' carti e li leva, quannu tutti lèvanu li carti uguali ci sarà unu dî jucatura ca resta cû sceccu e chiddu è lu jucaturi pirdenti.