Carti siciliani

Li carti siciliani sunnu na varianti dû jocu dî 40 carti usata suprattuttu 'n Sicilia.

Simili a chiddi napulitani, si basunu supra li spagnoli e s'apprisentanu cu li carattiristichi tìpichi di àutri carti italiani. Li carti si spartunu 'n coppi, mazzi, dinari, e spadi. L'assu è sempri na fiura chi jinci la carta, e a manu a manu chi lu nùmmuru crisci nzinu a setti, li coppi, spadi, dinari e mazzi si fannu cchiù nichi.

Certi sunnu dicurati di casuzzi, varchiteddi, o nu canuzzu.

Li tri fiuri sunnu la donna, lu cavaddu e lu re.

Li joca cchiù pupulari

Cu li carti siciliani si joca cchiossai a scupa, scupuni, briscula e briscula 'n cincu. Lu trissetti e autri joca nun sunnu pupulari comu li primi dui. Addiventunu 'mpossibbili invece àutri joca, comu lu raminu o la scala quaranta, picchì dumannanu n'autru sistema di carti, chi è chiddu dû poker a 52 carti.

Semi

coppe
denari
mazze
spade