Sciacca (Girgenti)
(Rinnirizzata di Sciacca (cumuni))
| Sciacca | |
| |
| Muttu: | |
| Nomu ufficiali: | Sciacca |
|---|---|
| Riggiuni: | |
| Pruvincia: | Girgenti (AG) |
| Cuurdinati: | 37°30'33"N, 13°5'20"E Ammustra ntâ mappa |
| Superfici: | 190 km² |
| Abbitanti: | 40.220 |
| Dinzitati: | 212 ab./km² |
| Cumuni cunfinanti: | Cataviddotta, Menfi, Rivela, Sammuca |
| CAP: | 92019 |
| Prifissu telefònicu: | +0925 |
| Situ ufficiali: | http://www.comune.sciacca.ag.it/ |
Sciacca ('n passatu scritta Xacca) è nu cumuni di 40.220 abbitanti dâ pruvincia di Girgenti.
Sta citati è famusa pi li sò termi e pi lu Carnalivari.
L’abbitanti di Sciacca si ricinu “Sciacchitani”, in italianu “Saccenzi”
Monumenti
[cancia | cancia lu còdici]Sciacca havi cincu porti mpurtanti:
- la "Porta Palermu"
- la "Porta San Sarvaturi"
- la "Porta San Caloggeru"
Avanti ca li bummardamenti di la guerra li jiccassiru n terra cc'eranu àutri dui porti: la "Porta Vagnu" e la "Porta di Mari".
Cc'è videmma nu casteddu chiamatu Casteddu Luna, uggettu di lijenni fatti di odiu, sangu e amuri.
Nasciuti n Sciacca
[cancia | cancia lu còdici]- Tummasu Fazellu (1498-1570), riliggiusu, viaggiaturi, scritturi e stòricu sicilianu.
Na puisìa pi Sciacca
[cancia | cancia lu còdici]Puisìa di Vincenzu Licata
Ai miei concittadini lontani
- T'amu pirchì si bedda, Sciacca mia,
- pi ssa luci chi manna lu to' mari.
- pirchì mi rigalasti la puisia
- ccu lu travaghiu di sti marinari.
- T'amu, pirchì mi basta ssu tramuntu
- pi farimi 'n-artista divintari,
- pirchì lu to' passatu è com'un cuntu
- d'omini illustri e di ricordi cari.
- T'amu pi la to' genti rispittusa
- ch'avi l'anima sempri arrifriscata
- di sta nostra marina purtintusa
- sempri d'un suli d'oru illuminata.
- A guardariti anticchia di stu mari
- pari chi scinni Tu di la vaddata
- pirchì tuttu st'azzurru vo' abbrazzari
- pi daricci, di cori, na vasata.
- T'amu pirchì lu "munti" toi nfatatu
- ti fa curuna, o terra mia divina,
- Lu "munti", dunni vighia 'n-granni fatu
- natu e crisciutu dintra sta marina.
- T'amu pi li carizzi chi m'hai datu
- quannu, nicuzzu, ntra li to' vaneddi,
- lassavi lu me' côri spinsiratu
- e la nnuccenza di sti vavareddi.
- Si quarchi vota Tu mi sì cuntraria
- pirchì di certi cosi nun t'adduni,
- ssi to'... tintizzi mannu tutti all'aria
- pi sti versi amurusi chi mi duni.
- Pirchì davanti a Tia mi sentu nicu
- comu nicu mi sentu ccu la mamma.
- Sciacca, paisi beddu, eterna fiamma,
- ti salutu, t'abbrazzu e binidicu.