Santuariu di l'Annunziata
Lu Santuariu di l'Annunziata (o la Madonna di Tràpani) e' na cresia antica chi s'attrova a Tràpani. Puru ca nun e' lu domu di Tràpani, chi e' cchiù novu, lu Santuariu di l'Annunziata arresta la cresia cchiù ntirissanti di Tràpani 'n tèrmini artìstici e stòrici.[1]
Lu fabbricari ncuminzau ntô 1315 cuntinuannu nzinu ô 1332. Di sta prima custruzzioni, a tri navati, cci nn'arresta picca. La liggenna si nni cunta ca lu Santuariu fu custruùtu pi ricìviri c'amurusanza na stàtua di la Madonna agghicata a Tràpani miraculusamenti. Sta stàtua antica cci resta, puru siddu cci nn'ànnu statu tanti canciamenti dâ cresia attraversu li sèculi.[2]
Ntra lu Quattru e Cincucentu accuminzaru li primi risarcimenti e allargamenti, ntra cui, veni fabbricata la Cappedda dî Marinari, nu veru capudòpira. Àutri allargamenti e abbiddimenti foru fatti ntô Seicentu, macari e supratuttu ntô Setticentu, ntra cui lu scaluni magnìficu.[3]
Sparti ê cappeddi, cc'e' d'ammirari ô nternu nu stupennu gruppu di màrmuru grazzî a Giuvanni Pisanu, sculturi tricintescu, raffiguranti la cussì ditta Madonna di Tràpani.[4]
Rifirimenti
[cancia | cancia lu còdici]- ↑ Camilleri, Salvatore (1998) Vocabolario Italiano Siciliano, Edizioni Greco, Catania
- ↑ Camilleri, Salvatore (1998) Vocabolario Italiano Siciliano, Edizioni Greco, Catania
- ↑ Camilleri, Salvatore (1998) Vocabolario Italiano Siciliano, Edizioni Greco, Catania
- ↑ Camilleri, Salvatore (1998) Vocabolario Italiano Siciliano, Edizioni Greco, Catania