San Pascasinu di Marsala

Dâ Wikipedia, la nciclupidìa lìbbira.
Jump to navigation Jump to search
Quatru di San Pascasinu di Tanu De Simuni, 1979 na Cresia Matrici di Marsala

Pascasinu di Marsala (385-390 ? - Marsala (TP), 455) è un santu veneratu ntâ chìsi cristiana.

Aggiografìa[cancia | cancia la surgenti]

Fu un valenti matematicu e viscuvu di l’antica Lilibeu, oj Marsala. Di sicuru era viscuvu nò 440, quannu Ginsirìcu, capu di Vànnali, fici la ‘nvasioni dâ Sicilia e pi chistu fu fattu prigiunieru e purtatu a Cartaggini, unni stetti du’ anni. Lu Papa Liuni Magnu mannò lu Ligatu Putenziu all’Africa pi fallu libirari e nò 443 lu ‘ncarricò di stabiliri definitivamenti la cilibrazzioni da data dâ Pasqua. Pascasinu dissi ca era giustu lu calculu da Cresia di Alissandria, picchì nall’annu 417 na Crisiedda da cuntrada Miltinas ( oj Santi Fulippu e Jacupu ) lu Fonti Battisimali si inchìu sulu.
La Pasqua, pî sò calculi, s’havia a cilibbrari ogni annu (comu si fa ancora oj) la Duminica successiva ô pleniluniu di primavera. Nò 447 fu a Roma. Quannu si cilibrò lu Cunciliu Ecumenicu di Calcidonia no 451, rapprisintò comu Ligatu lu Papa Liuni e parrò na lingua latina, mentri lu sicritariu Berunicianu traduciva na lingua greca.
Foru discurruti dui questioni teulogichi ‘mpurtanti: una contra li Nesturiani e l’autra contru li Monufisiti. Pascasinu apprufunniu li problemi e fici opira di cunciliazioni, pi supirari li divisioni na Cresia. Sant’Isidoru di Tuledu (570-636) lu ammuntùa tra l’omini mpurtanti; Santu Beda lu Vinirabili (VIII sec.) lu dici Santu; San Rubertu Bellarminu ni fa memoria contru l’eretici.

È cumpatronu di Marsala.

Liami sterni[cancia | cancia la surgenti]

Bibbliografìa[cancia | cancia la surgenti]

Andrea Linares, Un Vescovo siciliano del V secolo - Pascasino di Lilibeo, Scuola grafica salesiana, Palermu, 1978