Salvaturi Adamo

Sarvaturi Adamo (Comisu 1 nuvèmmiru 1943), è un cantanti francòfonu di uriggini siciliana. Ntô 1947 sò patri si trasfirìu ô Bergiu pi travagghiari ntê mineri dâ Vallonia. Appi un successu nternazziunali ntî l'anni 60, cantannu li sò canzuni puru 'n italianu, tudiscu, giappunisi, e autri lingui. Ntra li canzuni so' rivurdamu La notte , Affida una lacrima al vento, chi àppiru granni successu in Italia.

Ô principiu di l’anni ’60 l’italo-birgisi Adamo pigghia parti ôn cuncursu radiofònicu di Radio Lussemburgo vincennu a finali ‘n Parisi. Accumincia accussì l’esibizzioni sua prisintannu li so’ primi canzuni scritti ‘n francisi. Chisti si carattirìzzanu cu na vina melòdica particolari, fruttu dû ncontru ntra la tradizzioni italiana e chidda francisi.

Sans toi ma mie (Sei qui con me) è u so’ primu successu nnô 1963. Doppu si trasferisci ‘n Parisi, unni l’album di debuttu “63/64”, chi cunteni Tombe la neige e Vous permettez, Monsieur?, u fa canùsciri a tuttu u munnu.

Accumincia tannu a pubblicari i dischi sua in Italia vide’ e puru ccà arricogghi successu cu canzuni comu Cade la neve - Vous permettez Monsieur - Perduto amor - Non voglio nascondermi - La notte - Amo - Una ciocca di capelli - Se mai - Non mi tenere il broncio - Lei - Il nostro romanzo - Insieme - Inch'Allah - Affida una lacrima al vento - La tua storia e una favola - Tu somigli all'amore - Accanto a te l'estate - Felicità - È la mia vita...

Ncidi puru a canzuna Dolce Paola, ca è didicata a Paula Ruffu di Calavria, futura riggina dô Bergiu, di cui, si dici, ca u cantanti s’avìa nnamuratu.