Salvatore Fuca

Artìculu dâ seria Mùsica

ARTÌCULI E LISTI

Storia di la mùsica
Tiurìa | Gènira | Strummenta
Cumpusitura
Dirittura | Òpiri / Album / Gruppi

CATIGURÌI

Salvatore Fuca è un giùvini rapper belga d'orìggini siciliana (Favara). Nascìu ntô Belgiu, ma havi sintutu furtìssimu lu richiamu dâ propia terra, tantu d'ispiràricci na canzuna 'n francisi p'arricurdari la sò Sicilia: Pour la Sicile mon île (Pi la Sicilia, ìsula mia).

A Favara e â Sicilia 'n ginirali, è didicata la sò canzuna rap ntâ quali Salvatore Fuca canta 'n francisi e appoi canta na parti n lingua siciliana):

« Favara unni sî?

Aspèttami

Quìndici anni fà ca 'un ti vidu

I quaranta tri gradi di Favara mi mànganu

Bellu paisi, staiu murennu

‘Un sacciu picchì mè pàtr'un si nni vò jiri

Staiu chiangennu comu un picciriddu

‘Un pozzu stari ccà luntanu di tìa

A la pròssima

Sicilia mia! »

Lu rapper “belga” Salvatore Fuca cu la sò canzuna metti arcuni cosi 'n chiaru partennu a l’attaccu cu la frasi “Fier de ma nationalité, Sicilien je suis” (Fieru di la mè nazziunalità, sicilianu sugnu), cosa ca nuddu cantanti di Sicilia osassi mai prununzari.

La canzuna appi un discretu successu in Francia e ntô Belgiu, speci tra li figghi di mmigrati siciliani.

Fonti