Rosariu Gagliardi

Dâ Wikipedia, la nciclupidìa lìbbira.
Jump to navigation Jump to search
Chiesia di San Giorgiu, Rausa. Disignata ntô 1738 di Rosariu Gagliardi, si grapi cu na scalinata granni

Rosariu Gagliardi (Sarausa 1698 - 1762) fu unu di l'architetti principali dû Baroccu sicilianu. Macari chi nun niscìu mai dâ Sicilia, lu sò travagghiu è na dimostrazzioni di la patrunanza cumpleta dû stili, all'èbbica rapprisintatu ntô cuntinenti di Bernini. La cattiddrali di Muòrica ntô 1702 fu la sò prima òpira mpurtanti. Quannu si talìa lu sò travagghiu a Muòrica e chiddu fattu pi la chiesia di San Giorgiu a Rausa (disignata ntô 1738 e finuta ntra lu 1744 e lu 1766), veni diffìcili di crìdiri chi nun viaggiau mai. Gagliardi è puru l'auturi di diversi chiesi a Nuotu e nta l'àutri cità siciliani. L'architettu nutiscianu Vincenzu Sinatra fu sò allievu.

Bibbliografìa[cancia | cancia la surgenti]

  • Salvatore Boscarino, "Rosario Gagliardi e l'architettura in Sicilia nella prima metà del Settecento" in Annali del Barocco in Sicilia: "Rosario Gagliardi e l'architettura barocca in Italia e in Europa", 3 (Gangemi Editore 1996).