Burbona Rè di Nàpuli e Sicilia

La dinastìa di li Burbona di Nàpuli, e dî Dui Sicili, fu nu ramu di li Burbona, casa riali dû Regnu di Nùpuli e dû Regnu di Sicilia (appoi junciutu comu Regnu dî Dui Sicili) dû 1734 ô 1860.

La dinastìa vinni funnata di Carlu di Burboni, re di Nàpuli tra lu 1734 e lu 1759, figghiu di Fulippu V di Spagna (re di Nàpuli e di Sicilia tra lu 1700 e lu 1713, sparti ca re di Spagna tra lu 1700 e lu 1746, e, sempri iddu, funnaturi dâ dinastìa di li Burbona di Spagna) e di l'italiana Alisabetta Farnese. Carlu appi ottu figghi. Ntô 1759 acchianau a lu tronu di Spagna cû nomu di Carlu III, doppu la morti senza aredi di sò fratastru Firdinandu VI di Spagna, e picciò appi a rinunciari ô tronu di Nàpuli, ca ci jivu ô figghiu terzugenitu Ferdinannu I ca rignau ô princìpiu ccu lu nomu di Firdinandu IV, re di Nàpuli e di Sicilia e doppu, dô 1816 nzinu a sò morti, comu a Firdinandu I, re di li Dui Sicili.

Regnu di Nàpuli e Sicilia, 1735-1806

Carlu III di Spagna - Carlu VII 1735-1759

Firdinannu IV di Burboni (III dâ Sicilia)

1759-1806 (continuò lu regnu di Sicilia finu a lu 1815, e poi vinni risturatu n Nàpuli doppu l'accupazzioni dî Bonapartisti)

Regnu dî Dui Sicili, 1815-1860

Firdinannu IV di Burboni - Ferdinannu I

(di prima Ferdinandu IV di Nàpuli e III di Sicilia) 1815-1825

Franciscu I dî Dui Sicili, 1825-1830

Firdinannu II dî Dui Sicili, 1830-1859

Franciscu II dî Dui Sicilii, 1859-1860

	Storia dâ Sicilia
pristoria \| èbbica finicia \| èbbica greca \| èbbica rumana \| èbbica vànnala \| èbbica gòtica \| èbbica bizzantina \| èbbica àrabba \| èbbica nurmanna \| èbbica sveva èbbica angiuina \| èbbica aragunisa \| èbbica spagnola \| èbbica piemuntisa \| èbbica burbònica \| èbbica cuntimpurània