Rattu di Pruserpina

Dâ Wikipedia, la nciclupidìa lìbbira.

Lu Rattu[1] di Pruserpina è na liggenna pi spiegari lu gustu amaru dê Luppina.

Pi sapìrinni cchiossai, vidi puru la vuci Dia Cereri.


Liggenna[cancia | cancia la surgenti]

"Plutone", diu di l'Nfiri, un jornu vosi taliari chi succidìa ntô nostru munnu. Camina, camina, agghicau nta na virdi chianura, ricca di ciumi e ciuri ciaurusi. Nta sta chianura, 'n menza a l'erba, vitti na bedda picciotta ca ciuri cugghìa.

Plutone, appena la vitti, sintìu na vampata d'amuri e di disìu. Custrinzi Pruserpina a acchianari supra lu sò carru e la rapìu purtànnula a l'Nfiri cu iddu.

Cerere, ca era la matri di Pruserpina, dispirata la circò pi tutti l'ànguli dô munnu. Pi novi jorna e novi notti nteri gridava lu nnomu di sò figghia e chiancìa.

Mentri, comu na pazza, circava sta sò figghia, sintìu nta l'aria comu na risata. Era lu scrusciu ca lu ventu facìa mentri smuvìa li fogghi di n'àrburu di luppina

" Ah, mentri ca jù soffru e mi disperu comu a na dannata, tu, àrburu di luppina, arridi a li mei spaddi? Pozza magari tu e li tò frutti èssiri pri sempri amaru, accussì comu amaru è ora lu cori miu!"

E fù accussi ca l'àrburu di luppina e li sò frutti, arristaru pi sempri amari.

Annutazzioni[cancia | cancia la surgenti]

  1. Lu Rattu è nu Rapimentu mmeci di l'armalu. Talìa : Rattu disambigua