Pirduta dâ «G» ntervucàlica

Ntâ lingua siciliana, la pirduta dâ "g" ntervucàlica poti succèdiri, puru siddu chistu succedi supratuttu ntâ lingua parrata.

Diffusioni

• Nta tutti l'àrii di la Sicilia, ntâ lingua parrata, li palori pèrdinu a li voti la "g" ntervucàlica (p'asempiu "liàmi"/"lïàmi"/"lihàmi", "augghia"/"ahùgghia", "riàlu"/"rïàlu"/"rihàlu", "spiazziòni"/"spïazziòni"/"spihazziòni", "màu"/"màhu", "maàra"/"mahàra", "Baarìa"/"Baharìa", ecc.).

• Nta arcuni zoni, la "g" ntervucàlica nun spari cumpretamenti pirchì è rinchiazzata di na "j"

(p'asempiu "lijàmi", "rijàlu", "majàra", ecc.).

• Nta quarchi zona dâ Sicilia, la "g" ntervucàlica veni stracanciata 'n "v" (p'asempiu "avùgghia", "màvu", "rivòrdu", ecc.).

Nu finòminu prisenti nta àutri lingui

Ci voli nutari ca stu finòminu funèticu nun è tìpicu sulu dû sicilianu, pirchì asisti nta àutri lingui neolatini, comu p'asempiu la lingua corsa ca havi li furmi:

agostu / aostu (zoè 'n sicilianu: "agustu", "austu", "avustu")

fràgula / fràula (zoè 'n sicilianu: "fràgula", "fràula", "fràvula")

ecc.

Rifirimenti ca ùsanu palori cu la "g" nizziali ntervucàlica sana

• Vucabbulariu di Camilleri, 1998
• Vucabbulariu di Lucio Zinna - Antares Editrice, 2002

Rifirimenti ca ùsanu la pirduta tutali dâ "g" nizziali ntervucàlica

Rifirimenti ca ùsanu li littri ä, ë, ï, ö, ü, p'evidinziari lu dittongu fàusu criatu

• Vucabbulariu di Camilleri, 1998

Sicilianu standard usatu ntâ wikipedia siciliana

Raccumannamu d'usari li formi siciliani câ "g" o câ "j". Si ponnu usari macari li furmi cu la pirduta tutali siddu li vucali sunnu diffirenti (p'asempiu "liami", "augghia", "rialu", e "mau" ponnu èssiri accittati ma "maara" nun cunveni). Si cunzigghia di nun usari la "h" spagnulizzanti.

Liami nterni

• Usu dâ «G» aspra ammenzu di li palori