Nun si parti!
Nun si parti! fu lu nomu datu a na nsurrizzioni antimilitarista chi ci s'appi a Rausa lu 4 di jinnaru dû 1945 e nspirata di Maria Occhipinti.
Lu cuntestu storicu[cancia | cancia la surgenti]
Lu cuntestu storicu fu la fini dâ secunna guerra munniali. La Sicilia doppu aviri dunatu a la patria l'òmini pi jiri a cummattiri la guerra ntê vari fronti dû nord Italia, Spagna, Russia e Grecia pi cuntu dû cuvernu fascista di Mussolini avia statu libbirata di l'amiricani ntô misi di giugnettu dû 1943 nti chidda chi passau â storia comu Opirazzioni Husky. Doppu l'armistizziu di Cassibbili, furmarmenti la sicilia passava sutta lu cuvernu di Badogliu.
Ntô 1945 l'esercitu urdinava all'òmini di arruolarisi pâ guerra pi cuntu dû cuvernu novu. Fu nti stu cuntestu chi la nsurrizzioni scuppiau.
Li fatti[cancia | cancia la surgenti]
La matina dû 4 di jinnaru dû 1945, a Rausa, tra Corsu Vittoriu Venitu e a Via 4 Nuvemmiru, Maria Occhipinti, all’itati di vintitrì anni, gghià spusata e ncinta di cincu misa, si curca 'n terra davanzi a nu camiu militari chinu di picciotti rastriddati di nu quartieri pupulari, cu l'intentu di favuriri la fujuta e la disirzioni. Scuppiau na nsurrizzioni e li surdati accumenzanu a sparari supra la fudda.
Doppu jorna e jorna di scontra viulenti, la rivorta eni arristata cu l'arrivu di la Divisioni Sabbauda. Almenu nu cintinaru di morti, supratuttu cumunista viènunu arristati e ncarcirati. La Occhipinti fu l'unica fimmina cunnannata prima ô cunfinu a Ustica e appoi a lu carciri "Binidittini di Palermu". Pi diversu tempu la nsurrizzioni di Rausa fu classificata comu nu tintativu fascista di buicuttari lu cuvernu antifascista, oppuru comu l'ennesima siparatista.
Fu sulu a pàrtiri di l'anni '70, chi lu veru significatu antimilitarista fu caputu, macari grazzi a la pubblicazzioni di nu libbru di Occhipinti Una donna di Ragusa pi Feltrinelli.
.JPG){kind=small}