Nullum crimen, nulla poena sine praevia lege poenali
Nullum crimen, nulla poena sine praevia lege poenali (littiralmenti "Nuddu crìmini, nudda pena sinza privia leggi pinali") è na massima latina n usu ntû linguaggiu cumuni e assai usata n dirittu pinali ca sta a innicari la pruibbizzioni di leggi ca, upirannu n manera arritruattiva, ponnu cunzidirari riati videmma cumpurtamenti ca, a l'istanti quannu càpitanu, eranu pirfittamenti cunciduti e lèciti picchì 'un vitati di nudda àutra leggi.
Storia
[cancia | cancia la surgenti]Sta sprissioni nascìu cû puliticu e jurista latinu Ulpiano ntô III sèculu e succissivamenti arripigghiatu di lu Digesto di Justinianu I (533) e di Paul Feuerbach, jurista e patri dû famusu filòsufu Ludwig, n mèritu a lu granni significatu ca si purta appressu. Nfatti chissu si funna supra a l'antìfuna ca nun pò mai essiricci nu riatu sinza na leggi pinali posta nn'arreri ca pruibbisci lu cumpurtamentu.
Chissu, nutu comu principiu di nun-arritruattivitati, stà a la basi di li urdinamenti juridici uccidintali i è postu comu unu di li massimi brucardi di justizzia, n ginirali, e di dirittu pinali, n spicificu, nti li custituzzioni nazziunali.