Antoniu (nomu)
(Rinnirizzata di Ntoniu)
Antoniu è un nomu propiu di pirsuna sicilianu maschili.
Varianti
[cancia | cancia lu còdici]Ntoniu, Ntuoniu, Ntoni, e Antuoniu
Etimoluggìa
[cancia | cancia lu còdici]Cuntìnua l'anticu nomu gintilizziu e appoi pirsunali latinu Antonius, di urìggini prubbabbirmenti etrusca e di significatu scanusciutu. Dû Rinascimentu, stu nomu fu arbitrariamenti accustatu a l'ètimu grecu ánthos, 'ciuri', di cui discinni mmeci lu nomu Antu.
Onumàsticu
[cancia | cancia lu còdici]L'onumàsticu veni fistiggiatu tradizziunarmenti di li cattòlici lu 13 di giugnu 'n onuri di Sant'Antoniu di Pàduva. N'àutra data pussìbbuli è lu 17 di jinnaru 'n mimoria di Sant'Antoniu d'Eggittu, viniratu di li cattòlici ca lu canùscinu comu Sant'Antoniu Abbati e di l'ortudossi ca lu chiàmanu Sant'Antoniu lu Granni.
Santi e Biati
[cancia | cancia lu còdici]Foru assai li santi ca purtaru stu nomu:
- Sant'Antoniu Abbati, prutitturi di l'armali, fistiggiatu lu 17 di jinnaru.
- Sant'Antoniu di Pàduva, parrinu e dutturi dâ Cresia (13 di giugnu).
- Sant'Antoniu Maria Zaccaria, sacirdoti, cummimuratu lu 5 di giugnettu.
- Sant'Antoniu Maria Gianelli, vìscuvu ricurdatu lu 7 di giugnu.
- Sant'Antoniu di Pecersk, mònacu, funnaturi dû munasteru di Kiev, fistiggiatu lu 10 di giugnettu.
- Sant'Antoniu Gonzalez, duminicanu, màrtiri, cummimuratu lu 28 di sittèmmiru.
- Sant'Antoniu Maria Claret, vìscuvu, ricurdatu lu 24 di uttùviru.
- Sant'Antoniu Maria Pucci, riliggiusu, fistiggiatu lu 12 di jinnaru.
- Sant'Antonio di Sant'Anna Galvão, cchiù cumunimenti canusciutu comu Frei Galvão, frati franciscanu, primu santu brasilianu.
- Biatu Antoniu Pavoni, nquisituri dû Piemunti
- Biatu Antoniu Bonfadini, Frati Firrarisi, fistiggiatu lu Lunidìa di Pasqua.