Sant'Antoniu di Pàduva
Antoniu di Pàduva colloquialmenti Sant'Antuninu (ô seculu Fernando Martins de Bulhões; Lisbona, 15 di austu 1195 – Pàduva, 13 di giugnu 1231) fu un riliggiusu e presbiteru purtughisi appartinenti all'Ordini franciscanu, canusciutu in Portogallu comu Antonio da Lisbona, proclamatu santu da papa Gregoriu IX 'ntô 1232 e dichiaratu Dutturi dâ Chiesa 'ntô 1946.
Iconografìa
[cancia | cancia lu còdici]Libru, pisci, gigghiu candidu, Bambinu Gesù, pani, vampa, cori.
Tradizzioni 'n Sicilia
[cancia | cancia lu còdici]Sant'Antoniu di Pàduva, chiamatu 'n cunfirenza Sant'Antuninu, i sô dui viaggi 'n Sicilia e i cunti dâ tradizzioni popolari.
- Primu passaggiu. 'Ntâ l'autunnu dû 1220 s'imbarca 'ccû un confratellu 'ppû Maroccu, unni aviunu subitu û martiriu cinqu frati: i sacerdoti Berardo, Ottone, Pietro e dui frati laici Accursio e Adiuto. 'Ntâ l'Africa 'mmiscau 'na malatia e alcuni misi dopu, è custrettu a rientrari a Coimbra. In aprili i dui frati tornunu 'n Spagna ma, â navi s'imbattiu 'ntâ 'na timpesta e 'nfunna longu î costi dâ Sicilia di punenti. Aiutati da piscaturi, i dui sunu puttati 'ntô cunventu franciscanu 'cchiù vicinu. Duranti l'evangelizzazzioni in terra sicula i dui frati sunu 'nfurmati chi, 'n occasioni dâ Pentecoste, Franciscu d'Assisi raduna tutti i sô confratelli 'ppû Capitulu Generali. L'invitu a participari è allargatu a tutti e 'ntâ primavera dû 1221 Antoniu, ospiti pressu â cumunità stanziata 'ntâ chiesa di San Franciscu d'Assisi all'Immaculata Cuncizzioni, e i frati di Missina, cuminciunu a 'nchianari â pinisula 'taliana a pedi. Û primu soggiornu dura quasi du' misi.
- Secundu passaggiu. Û 3 uttùviru 1226, 'ntà cappeḍḍa dû transitu dâ Porziuncola a Santa Maria dell'Anciuli mori Franciscu, capu spirituali dî franciscani. Â nutizia dâ morti è puttata 'n Francia da 'na littra di frati Elia, vicariu ginirali dill'Ordini, û cuntinutu fissa 'ppâ Pentecoste dû 1227 û Capitolo generale 'ppâ nomina dû succissori. L'invitu 'ppî 'ḍḍû Capitulu è estesu puru ad Antoniu, superiori dî cunventi di Limoges. 'Ntô romitoriu di Brive finisci â sô esperienza francisi. Puru 'stu viaggiu è fattu a bordu d'un velieru chi dâ Francia miridiunali finu ê costi dû Laziu ma, temmina 'n seguitu a 'na viulenta timpesta e un secundu naufraggiu longu i costi dâ Sicilia.
- A Cifalù 'ntâ chiesa di Santa Maria è sarbatu un calici usatu 'ppî cilibbrari l'eucaristia. Û tistimonia un'iscrizzioni di mammuru:
| « "vieni, vedi et honora - tra queste sacre mura - il calice in cui bevve - e la campana sonora - di Antonio il padovano: - memoria sono e doni della sua mano". » |
- Â campana è chiḍḍa dû miraculu: rialu d'Antonio 'ppî frati di un vicinu cunventu chi tantu disiddiravunu avirini una. Û miraculu sta 'ntô trasporto: avutala iḍḍu stissu in rialu, â cunsigna ai frati distinatari caricannula e traspurtandula supra i spaḍḍi.
- A Vizzini 'ntâ chiesa di Santa Lucia e cunventu dâ Santissima Annunziata, sidi dill'opira franciscana criata propriu da Antoniu 'ntô 1225, è sarbatu un calici usatu 'ppî cilibbrari l'Eucaristia. 'Ntô chiostru dû cunventu è ubbicata 'na rutta unni jntra ci suggiurnau 'ppî qualchi tempu Antoniu patavinu.
- 'Ntâ chiesa di San Franciscu â 'Mmaculata Cuncizzioni di Missina â primitiva Cappeḍḍa di Sant'Antoniu fu edificata jntra â sô cella. 'N seguitu â ricostruzzioni dopu û tirrimotu, supra l'altari, è sarbata ancora 'na mattunella dû pavimentu dû cunventu cadutu. Â piatrella potta i tracci ematichi dû taumaturgu comu conseguenza di n'autoflagellazzioni pubblica comu punizzioni p'aviri disubbiditu ô priori, quasi 'na riparazzioni 'ppî un "piccatu di vanità": aviri fattu nesciri miraculusamenti 'na sorgenti d'acqua 'ntô giardinu dû cunventu.
- Secundu â tradizzioni orali, â vulgata, duranti unu dî dui passaggi 'n Sicilia si firmò 'ppî una notti 'ntâ lucalità "û chianu â Canneḍḍa" 'ntô cumprinsoriu dû Parcu dî Nebrodi a cavaḍḍu dî tirritori fra Capizzi e Carunìa. L'eventu è cilibbratu dâ cumunità capitina 'ccû un tradizzionali pilligrinaggio dinuminatu "Û viaggiu â Canneḍḍa".
- 1225, Â tradizzioni orali tramanda Sant'Antoniu di Pàduva tra i fundaturi du cunventu di San Franciscu d'Assisi di Patti. È Antoniu a pusari â prima petra. 'Ntâ citàdi opirò û "Miraculu dill'ossa dû cappuni trasfurmati 'ntâ squami e lischi di pisci", eventu virificatusi davanti ô viscuvu e dill'ereticu 'ngannaturi.[1]
- È ducumentatu û passaggiu pressu â rutta dû Capu di Milazzu trasfurmata 'ntô rupestri santuariu di Sant'Antoniu di Pàduva.
- Û soggiornu pressu û cunventu di San Franciscu d'Assisi di Sciacca dopu û naufraggiu ô rientru dall'Africa, in cumpagnia di Filippu di Catalogna. 'Ntâ l'ortu dû cunventu chiantò un fico e un cipressu. 'Ccû lignu dû cipressu fu custruita â porta dâ sacristia dû cunventu. I frutti dû ficu eranu divotamenti richiesti da moltitudini di fideli. Dopo â canonizzazzioni finu a tuttu il XVIII seculu è ducumintata â pratica di uttiniri nummirusi innesti 'ppî perpetuari â pianta matri misa a dimura dô taumaturgu.
- 1221 - 1224. Fundaturi dû cunventu dill'Ordini di frati minori conventuali di Taurmina (poi passatu all'Osservanti, oggi rettu dai Cappuccini). 'Ntâ primitiva struttura, di qualchi annu anteriori a chiḍḍa fundata a Patti, Antoniu suggiornò duranti û viaggiu 'ppû Maroccu.[2] 'Ntâ l'orti chiantò alcuni cipressi e tanti cedri.
In Sicilia funda i cunventi di Cifalù, Lintini, Noto, Patti.[1]
Patrucinii
[cancia | cancia lu còdici]Fistiggiatu a Aggira, Àvula, Barcialona Pizzaottu, Belpassu, Buccheri, Buscemi, Casteddammari, Cianciana, Favara, Jaciriali, Jiraci, Lintini, Liunforti, Lipiri, Mazzara, Missina, Milazzu, Militeḍḍu in Val di Catania, Mistritta, Motta Sant'Anastasia, Mussumeli, Niscemi, Notu, Palermu, Patti, Poggiuriali, Roccalumera, Ramietta, Santu Filippu, San Pieru Patti, Taurmina, Triccastagni, Villafranca Tirrena.
Usi e custumi
[cancia | cancia lu còdici]Poviri, oppressi, orfani, priggiunieri, naufraghi, picciriddi malati, vetrari, recluti, fimmini 'ncinti, affamati, viaggiaturi, animali, piscaturi, cavaḍḍi, marinari, ziti, matrimoniu. Prutitturi dû Portogallu, Brasili e dâ Custodia dâ Terra Santa.
