Noule

Cercamu persune de lu Salentu ntirissate a scrìvire artìcule, crande o pìccule, 'n salentinu per lu nosthru pruscettu nciclupèdicu Wikipedia. Putete scrìvire quiddhru ca vulete (per esempiu l'artìcule subbra le cumune salentine). Ma per favure, lasciate una thraduzione de le parole diffìcile e ndicàte la pruvenienza de la parlata salentina usata. Nun mporta se sete leccisu, brindisinu, o tarandinu, sempre salentinu sete! Crazie.

Noule
Nomu ufficiali:	Novoli
Riggiuni:	Pugghia
Pruvincia:	Lecci (LE)
Cuurdinati:	40°23'0"N, 18°3'0"E Ammustra ntâ mappa
Superfici:	17 km²
Abbitanti:	8.399
Dinzitati:	498 ab./km²
Cumuni cunfinanti:	Arnisanu, Campie, Carmianu, Lecce, Thripuzze, Eje
CAP:	73051
Prifissu telefònicu:	+0832
Situ ufficiali:	http://www.comune.novoli.le.it/

Noule (o Novuli nta àutri parlati salentini) è un paisi salentinu di la pruvincia di Lecci ca s'attrova a 11 chilòmitri dû capulocu, e a 37 metri supra lu liveddu dû mari.

Abbitanti e giografìa

Noule è nu paisi di lu Salentu unni àbbitanu 8.473 cristiani. Stà a ùnnici chilòmitri di Lecci. Havi puru na frazzioni, ca si chiama "Lu Fieu", zoè "Lu Feu" (talianu: Villa Convento), spartuta cu Lecci. L'àutri paisi ca stannu nturnu sunnu: Campie, Thripuzze, Survu, Arnisanu, Carmianu, Ejje e Salice. Supra Noule c'è na serra (chiamata lucarmenti "Monte te l'Autu", zoè "Munti di l'Àutu"). E' na sezzioni dâ "Serra te Santu Lia" (Serra di Sant'Elia) ca partennu di Cilinu, passa di Schinzanu, di Campie, di Noule e di Thripuzze e arriva nzinu a Lecci. Sparti dû "Monte te l'Autu", lu tirritoriu di Noule è chianiggianti. Li furasteri nciùranu "ufani" ("spucchiusi") chiddi di Noule.

Sant'Antoni di lu Focu

Noule è famusu pi la "Festa te Sant'Antoni te lu Fuecu" (zoè "Festa di Sant'Antoni di lu Focu", e ca ntô talianu veni chiamata: Festa di Sant'Antonio Abate). Sant'Antoni è lu santu patrunu di Noule, di lu focu e di l'armali. Sant'Antoni fu lu primu mònicu ca si nni jìu nta lu disertu (vita erimìtica), e dunca è nu santu assai mpurtanti pi la Cresia. Ogni annu lu sìdici, lu diciassetti e lu diciottu di jinnaru, li cristiani di Noule fannu na bedda festa. Lu pumiriggiu di lu sìdici, viggilia dâ festa, dopu la prucissionin tê vìi di lu paisi, addùmanu la "Fòcara", nu munzeddu di sarmenti di vigna: poti arrivari a cchiui di vinti metri e, si lu ventu è bonu, ardi pi tutta la notti e puru lu jornu dopu. Pi fabbricari la Focara sunnu tanti, vecchi e carusi, pi divuzzioni a lu Santu. La tradizzioni di la festa è antica, e di li paisi vicini vèninu sempri assai cristiani e nta st'ùrtimi anni sta addivintannu sempri cchiù mpurtanti, tantu ca, la sira di la viggilia vèninu puru chiddi di la televisioni p'ammustrari quannu addùmanu la Focara. L'àutru annu vìnniru puru chiddi di National Geographic.

Storia

Secunnu lu studiusu tidiscu Rohlfs, lu nomu di lu paisi veni di na palora latina, novale, ca voli diri na cosa comu "campu lassatu senza aratu". Ma nta li ducumenti antichi, Noule lu chiàmanu sempri "Sancta Maria de Novis". Cu tuttu ca l'archiòluggi hannu truvatu ca unni ora c'è Noule ci foru cristiani nta li tempi antichi (preistoria). Li primi nutizzi stòrichi supra lu paisi sunnu di lu XVI sèculu, quannu la famigghia Mattei s'accattau lu Feu di Noule, ca happi nzinu a lu principiu di lu XIX sèculu. Prima, ci foru puru li Bizzantini, e la prova è ca Sant'Antoni è nu santu urintali e foru dunca iddi ca lu fìciru canùsciri a Noule.

Ma n'àutra fonti dici ca stu paisi, lu funnaru arcuni abbitanti di Porzianu chi ci dèttiru urigginariamenti lu nomu di Santa Maria Nova; ntô sèculu XVI lu nomu addivintò Novole e appoi ntô sèculu XVIII Novoli.

Cunnizzioni econòmica e suciali

Nu tempu (tra l'anni Sissanta e Nuvanta di lu XX sèculu) nta stu paisi c'èranu tanti mircanti (chiamati "marcànti"), ca jàvanu firriannu pi tutta l'Italia pi vìnniri robba (speciarmenti curredi). Appoi, tanti d'iddi àppiru difficurtati econòmichi.

Noule era puru famusu pi li maistri di scola (quannu ancora nun c'èranu li scoli pùbbrichi, vinìanu di tutti li paisi pi mparari), e pi li parrina. Ddi tempi passaru, e oi Noule è nu paisi tranquillu. Putemu diri ca Noule è nu "paisi-satèlliti" di Lecci. Tanti, spiciarmenti li giùvini (chiddi ca nun si nni jeru), stùdianu, travàgghianu, e pàssanu lu tempu lìbbiru a Lecci, e si poti diri ca vèninu a Noule sulamenti pi manciari e pi dòrmiri.

Dialettu

Lu dialettu di Noule è nu dialettu salentinu, ca fà parti di la famigghia siciliana. Assimigghia assai a chiddu di Lecci. Li diffirenzi funètichi cchiù mpurtanti sunnu:

• " i " (Noule) a postu di " e " (Lecce) nta na sìllabba ca nun è accintata - p'asempiu, "lliticatu" pi "lletecatu", sicilianu litigatu;
• " jj " (Noule) a postu di " gghi " (Lecce) - p'asempiu, "fijju" pi "ffigghiu", sicilianu figghiu;
• " ue " (Noule) a postu di " e " (Lecce) - p'asempiu, "suezzu" pi "ssezzu", sicilianu stissu.

Talìa puru

• Dialettu salentinu
• Lingua siciliana

Purtali di lu Salentu – Jiti a l'artìculi di Wikipedia supra lu Salentu.