Ninu La Rocca

Dâ Wikipedia, la nciclupidìa lìbbira.
Jump to navigation Jump to search

Ninu La Rocca (5 di aprili 1959), pùggili talianu attivu nta l'anni '80. Doppu diversi vittori, appi na fini di carrera cuntruversa.

Biografì[cancia | cancia la surgenti]

Nu pùggili diffirenti di tutti l'àutri: mai si vitti unu comu a iddu. Quannu cummattìa facìa certi nùmmira ca facìa scialari nnô virillu. Miscava certi timpulati ca mancu si vidìanu. L'avvirsari li cugghiuniava, ma sempri cu rispettu: era troppu viloci ppi iddi e li pugna di l'avvirsari lî schivava tutti. Vincìu cchiù di cinquanta ncuntri, quasi sempri ppi ccappaò. Appoi eppi a cummàttiri pû titulu eurupeu e pirdìu, pirchì s'acciuncau supra l’occhiu e cci niscìu sangu. Pirò, puru si Ninu era viloci, nun minava forti, li sò pugna nun èranu pisanti. Arrivau a cummàttiri pû tìtulu munniali, a Munticarlu (1984), ma lu miricanu Don Curry lu castiau, mittènnulu cappaò. Cchiù tardu, di l'86 finu a l'89, Ninu fu campiuni d'Europa dê pisi welter. Si maritau cu n'attrici pornu, Manuela Falorni, chidda chi si faci chiamari la Vèniri janca, e nn'eppi nu figghiolu. Quannu divorziaru, idda cci fici càusa e si tinni la criatura.