Nicodemu (discepulu di Gesu Cristu)

Nicodemu, dottore tâ legge, fariseu e parte tû Sinedriu, fose unu tî discìpuli te Giesu Cristu, 'n base allu cuntu tû Vangelu te Giuvanni. Se festeggia 'u 31 te acoștu.

Nicodemu ete cunsideratu santu tâ Chiesia Cattòlica e dâ Chiesia Ortodossa. L'immàggine te Nicodemu staje puru sû Compiantu te Cristu mortu te Giottu ințrâ Cappella tî Scrovegni. Certi studiosi dichiarara ca 'u Nicodemu tâ Bibbia pote essere Nicodemu Ben Gurion, nu rabbinu mbreu ca sia 'u Talmud sia "'E querre giudaiche" dìcune ca era nu cristianu riccu e de modu.

Nicodemu ințrû Vangelu te Giuvanni

Te Nicodemu nc'e' scrittu sulamente 'ntrû Vangelu te Giuvanni, țrè fiate:

• sente l'insegnamentu te Giesu Cristu (3,1-2);
• 'u difende quannu i Farisei òlune lu rrèstane (7,45-51);
• juta Giuseppe te Arimatèa cu minte 'u corpu te Giesu Cristu ințrâ tomba.

Riquardu lu primu pisodiu, Bart Ehrman pensa ca 'sta conversażżione nu po' essere stata cusì, percè tene sensu sulamente 'n grecu.

Ințra l'ùrtimu pisodiu cchiamu Nicodemu susu 'u Gòlgota 'm paru cu Giuseppe te Arimatèa, ca juta cu llèvane Giesu Cristu tâ croce e cu lu mìntune ințrâ tomba. Issu porta cchiumenu centu libbre te mirra e aloe.

Tû vangelu te Giuvanni (19,39-42):

«³⁹ Nicodemu, ca quarche tiempu prima era sciutu mmeru Giesu te notte, vinne puru issu, nnucennu na miştura te mirra e aloe te cchiumenu centu libbre. ⁴⁰ Cusì quiști pijara 'u corpu te Giesu e lu mìsera 'n fassce cu l'aromi, seconnu 'u modu cu se seppellissce ca se usa mmeru i Ggiudei. ⁴¹ Addhunca era statu crocifissu nc'era nu sciardinu, e ințra ddhu sciardinu na tomba vacante, ca ncora nu n'èrane misu ciuveddhi. ⁴² Ddhai mìsera Giesu, pe la Preparażżione tî Ggiudei, percè 'a tomba stìa vicina.»