Menzaluna fertili

La Menzaluna Fèrtili ('n àrabbu: الهلال الخصيب al-hilāl al-ḫaṣīb; 'n ebbraicu: הסהר הפורה ha-sahar ha-porah) è na riggiuni stòrica dû Mediu Urienti. Ntê tempi antichi s'allungava a'gghiri ntê stati attuali di l'Eggittu, Israeli, la Palistina, la Giordania, lu Libanu, la Siria, la Turchia, l'Iraq, lu Kuwait, l'Iran e l'Arabia Saudita.

L'esprissioni Menzaluna fèrtili fu criata nnî anni '20 di l'archiòlugu James Henry Breasted di l'Università di Chicago.

Sta riggiuni è spissu chiamata "culla dâ civiltati" pâ sò straurdinaria mpurtanza ntâ storia umana dû Neolìticu a l'èbbica dû brunzu e dû ferru. Fu ntê vaddi fèrtili dî quattru granni ciumi dâ riggiuni (Nilu, Giordanu, Tigri e Eufrati) ca si svilupparu li primi civirtati agrìculi e li primi furmazzioni statali granni di l'antichitati. Li Sumeri, 'n particulari, ca si cridi ca foru li rapprisintanti dâ prima civiltà stabbilita dâ storia, ciurieru ntâ Mesoputamia (V millenniu a.C.)