Ginevra: Ô CERN fu fattu nu spirimentu chi cunsisti a fari scuntrari fasci di particeddi limintari ntô LHC, a n'enirgìa di 7 TeV. Lu spirimentu arriniscìu. Si spera accussì di truvari la spiegazzioni a diversi prubblemi dâ fisica cuntimpurania.
Mosca: Versu l'8 di matina, du' fimmini kamikazi si ficiru scuppiari ntî du' diversi stazzioni dâ mitropulitana dâ capitali russa. Lu bilancio è di 38 morti.
Washington D.C.: Lu cungressu miricanu appurvau n forma difinitiva la riforma dû sistema sanitariu dî Stati Uniti pi 219 voti favurevuli contra 212 cuntrari. La riforma, vuluta dû prisidenti Barak Obama, unu dî punti cintrali dû programa prisidinziali, avia statu tintata n passatu di diversi àutri prisidenti senza successu. Cu sta riforma cchiossai di 30 miliuna di pirsuni chi nun si putèvanu pirmettiri di paiàrisi n'assicurazzioni sanitaria, abbannunati senza curi, tràsunu finarmenti ntô sistema sanitariu.
Roma: Lu museu Getty di New York arristituisci diversi riperti archiològgici chi vènunu dâ Sicilia, dâ zona di Morgantina. Vannu appoi a arricchiri lu futuru museu di Aidoni. Avannucaveni lu Museu arristituisci puru la Veniri di Morgantina.
.jpg)