Mùsica alittrònica

Dâ Wikipedia, la nciclupidìa lìbbira.
Telharmonium, Thaddeus Cahill 1897
Trautonium, 1928

Pi mùsica alittrònica si ntenni, 'n ginirali, lu tipu di mùsica ca veni creata utilizzannu strumenti alittrònici anzicchè chiddi clàssici quali ponnu èssiri, pi esempiu, la batterìa, lu pianoforti, la chitarra, eccc.

La mùsica alittrònica, nfatti, canusci atri tipi di strumenti unni sicuramenti lu cchiù mpurtanti è lu computer. Strumenti di mùsica alittrònica ponnu èssiri, pi fari n'esempiu, lu sintetizzaturi, lu sequencer, la drum machine e atri.

Di sti strumenti assai ponnu èssiri sustituiti cu software studiati apposta pi cupiàrini pari pari li carattirìstichi. Na sta manera abbasta aviri un computer cu un prugramma unni si ponnu carricari sti svariati software (chiamati spissu plug-in) p'aviri un veru e propiu studiu di riggistrazzioni 'n casa. Pi sunari sti strumenti si pò utilizzari sia lu computer direttamenti (scrivènnuci na speci di spartitu virtuali) chi na tastiera culligata a lu computer. Sti tastieri, comu anchi àutri strumenti alittrònici, ùsanu spissu na porta di cumunicazzioni particulari ca nascìu versu l'anni '80 pi creari un protocollu standard universali pi fari dialugari strumenti alittrònici cu atri strumenti alittrònici e cu computer: la porta MIDI.

Lu MIDI è un linguaggiu assai cumplessu ca si traduci 'n mpulsi chi ponnu èssiri mannati di lu strumentu musicali alittrònicu a lu computer o anchi a lu cuntrariu. Nta nu mpulsu midi ci ponnu èssiri parecchi nfurmazzioni comu, ad esempiu, la posizzioni di la nota, la ntenzità di la prissioni dû tastu, la durata di la prissioni e tanti àutri nfurmazzioni tradotti alittronicamenti.

Na sta manera si àprunu novi arizzonti a la mùsica stissa e li vari pussibbilità e cumminazzioni di strumenti e sona addivèntanu praticamenti nfiniti.

"Mùsica alittrònica" rappresenta cumunqui na grannìssima catigurìa ntra la quali sù racchiusi tanti gèniri diversi di mùsica alittrònica. Qualunqui tipu di mùsica addiventa alittrònica sibbeni sunata cu strumenti nun clàssici o acùstici. Qualunqui tipu di mùsica addiventa alittrònica anchi si si parti di unu strumentu clàssicu pi poi manipulari lu sonu utlizzannu lu computer o, 'n ginirali, adopirannu dispusitivi 'n gradu di manipulari lu signali sunoru stissu.


Viditi puru:[cancia | cancia la surgenti]

Artìculu dâ seria Mùsica
ARTÌCULI E LISTI

Storia di la mùsica
Tiurìa | Gènira | Strummenta
Cumpusitura
Dirittura | Òpiri / Album / Gruppi

CATIGURÌI

Mùsica | Gruppi
Cantanti