Luciu Liviu Andronicu

Dâ Wikipedia, la nciclupidìa lìbbira.
Jump to navigation Jump to search

Luciu Liviu Andronicu (nti lu latinu Lucius Livius Andronicus, nasciutu tra lu 280 e lu 260 a.C. e murutu versu lu 200), megghiu accanusciutu comu Liviu Andronicu, fu lu primu pueta di la littiratura latina ca nuatri canuscemu.

Liviu Andronicu, di cui nun si sapi l'annu di la nasciuta, fu nu pueta latinu d'urìggini greca, (Andronicus è nu nomu d'urìggini greca) e citadinu di Tarantu. Vinni fattu priggiuneru nti lu mentri di la Verra Tarantina (293 a.C.273 a.C.) e fattu servu di la gens Livia. Sicunnu l'usu di lu tempu fici lu maistru di lèttiri grèchi a li figghi di lu sò patruni. Doppu ca vinni libbiratu, si misi a uccupàrisi di littiratura: scrissi diversi traggedìi e cummedìi d'argumentu grecu (annincati comu cothurnatae e palliatae) e traducìu l'Udissea di Omeru nti la lingua latina. Di la sò traduzzioni arrèstanu sulu picca frammenta.

Lu 240 a.C., annu di la prima rapprisintazzioni tiatrali di n'òpira di Liviu Andronicu, è cundiziratu comu la data cunvinziunali di la nasciuta di la littiratura latina.