Logaritmu

Dâ Wikipedia, la nciclupidìa lìbbira.

Lu logaritmu è n'opirazioni aritmetica difinuta supra li nùmmura pusitivi, secunnu na basi pusitiva puru idda. Lu logaritmu di x rispettu â basi b è l'espunenti chi s'havi a dari a b pi uttèniri x. Pi esempiu lu logaritmu di 9 'n basi 3 è 2. Si ìnnica cu lu sìmmulu log, e la basi si ìnnica nicaredda tra lu log e lu nùmmuru di cui si voli fari lu logaritmu. L'esempiu pricidenti ntâ scrittura matimatica diventa:

Spissu pi rènniri la scrittura cchiù leggia, la basi nun si scrivi. Nti sti casi la basi è suppunuta essiri la basi 10, ntâ matimatica applicata, o la basi naturali dî logaritmi, cioé la custanti di Euleru, lu nummuru e=2,718281....

Ntê calculatrici s'attrovanu giustamenti du' tasti ca calculanu li logaritmi, nu tastu, giniralmenti innicatu cu li littri "LOG" ca calcula lu logartimu n basi 10, e n'autru tastu, giniralmenti innicatu cu li littri "LN" ca calcula lu logartimu na basi e.