Liggi 133/2008

Dâ Wikipedia, la nciclupidìa lìbbira.
Jump to navigation Jump to search


A liggi n. 133 di lu 6 austu 2008 eni a cunvirsioni in liggi, ccu mudificazziona, di lu dicritu-liggi n. 112 di lu 25 giugnu 2008, ca porta dispossizziona urgenti pô sviluppu icunomicu, a simplificazzioni, a cumpititivitati, a stabbilizzazzioni dâ finanza pubbrica e a piriquazzioni tribbutaria, ca trasìu in viguri lu 22 austu 2008.

Suscitau, tra l'altru, diffusi prutesti nta lu munnu univirsitariu e di li scoli supiriori.
Tra li punta ca fuorru cchiu discussa putièmu arricurdari:

  • Nu tagghiu ri 1.441,5 miliuna di € ô funnu di finanziamentu urdinariu (F.F.U.) nta lu quinquenniu 2009/2013 (art. 66 comma 13 [1])
  • Bloccu di lu canciamentu di pirsunali sottu lu 20% ppi lu trienniu 2009-2011 (na nova assunzioni di lu pirsunali univirsitariu iogni cinqu posti ca s'allibbiranu) e di lu 50% ppi lu 2012 (art. 66 comma 13 [2])
  • Pussibbilitati di trasformazzioni ppi l'univirsitati nta funnazzioni privati cu na vutazzioni a maggiuranza di lu 50%+1 di parti di lu Sinatu accademicu e trasuta in vigori a pàrtiri di lu 1 ginnaiu succissivu (art. 16 comma 1 [3]). A funnazzioni ca s'avissi a vèniri a furmari pari c'avissi addivintari pruprietaria ri tutti l'infrastrutturi ca prima jerunu ri proprietati pubbrica ri unni si truvava l'atineu attraversu atti isenti ri imposti e tassi (art. 16 comma 2 e 3 [4]). A trasfurmazzioni veni incintivata macari ccu aggivulazzioni fiscali: trasfirimenti (cuntribbuta e libbiralitati) a favuri dei fundazzioni sunu isenti di imposti e tassi e li spisi nutarili sunu ridotti di lu 90 ppi cientu (art. 16 comma 5 [5])
  • Li funnazzioni ponu gistìri li tassi studinteschi comu ci pari a iddi. INfatti a li fundazzioni univirsitarii si cuntinuanu a applicarisi tutti li disposizziona viggenti ppi l'Univirsitati statali ma cumpatibbilmenti ccu l'art. 16 dâ liggi e câ natura privatistica di li fundazzioni midesimi (art. 16 comma 14 [6]). Nun jeni quindi validu ppi li funnazzioni univirsitarii, picchini nun cumpatibbili ca loro natura privatistica, lu Dicretu di lu Prisidenti dâ Ripubblica taliana n. 306/1997 [7] ca intruduci a limitazzioni dâ cuntribbuzzioni studintestca di lu 20% di lu F.F.U. (F.F.O. ntâ lingua taliana) ma s'arrifirisci a li soli univirsitati statali comu dichiaratu nta l'articulu 1 di lu stissu, cuntrariamenti li univirsitati e l'istituta d'istruzziona ca nun su statali, ca rilascianu titula ri sturiu ca anu valuri ligali, diterminanu autonumamenti a tassa d'iscrizzioni e li cuntribbuta universitaria ppi tutti li corsi di sturiu ca fuorru attivati ri iddi (art. 6 comma 1 di stu dicretu[8])

Libbiralizzazzioni dei sirbizza pubbrici[cancia | cancia la surgenti]

A l'art. 23 bis, a liggi privedi a privatizzazzioni e libbiralizzazzioni di li sirbizza di pubbrica utilitati: ntra chissi, tutti l'aziendi municipalizzati, ri pruprietati di cumuna e enti pubbrici, ca si occupanu ri trasporta, acqua, luci, gas, cugghiuta e smaltimentu ri munnizza.