Labbirintu
Lu labbirintu è na struttura fabbricata di matiriali o puru furmata di chianti, di sòlitu d'àmpula larghizza, assimigghiannu mura chi vannu pi tutti li dirizzioni, fatta ntôn modu ca si renni disfìcili pi chiddi chi pròvanu a truvari la nisciuta.
La palora veni dû grecu labyrinthos. Cc'è macari la furma siciliana "abbirintu" pû fattu di l'afiresi di l cunziddirata comu l'artìculu lu finennu cu na furma accurzata.
Àutri significati e modi di diri
[cancia | cancia lu còdici]Labbirintu havi puru nu significatu figurativu. Pò significari cunfusioni o na situazzioni chi si pò appariggiari a nu burdellu, p'asempiu: cc'era lu labbirintu!
- mintiri unu ntrô labbirintu - mintiri unu 'n granni difficultà
Labbirinti 'n Sicilia
[cancia | cancia lu còdici]- Labbirintu dû Casteddu di Donnafugata, pruvincia di Rausa
- Labbirintu d'Arianna, pruvincia di Missina
Nnâ littiratura
[cancia | cancia lu còdici]- A rosa e u labirintu, Kefagrafica 1992 di Angela Diana Di Francesca
Rifirimenti
[cancia | cancia lu còdici]- Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.
- Giarrizzo, Salvatore, Dizionario Etimologico Siciliano, Herbita Editrice, Palermo.