Kore

Kore è nu gruppu fulclòricu sicilianu d'Enna

Storia dû gruppu

Stu gruppu nascìu cumu Accademia di Studi e Ricerche da Città di Enna. Oi, u gruppu vanta a presenza di circa quaranta cristiani, i quali, juncennu i propi esperienzi 'ntô campu musicali e 'ntô campu artìsticu, dùnanu vita a n'ensemble riccu e capaci. U sò obbittivu principali è trasfiriri l' intiressi e u gustu pa cultura e i tradizioni pupulari siciliani quannu l'entusiasmu pè propi ràdici veni addibbulutu dû clima d'eurupeizzazioni ginirali.

U Repertoriu

U repertoriu di stu gruppu è tradiziunali e tratta di corteggiamenti d’amuri, sceni di vita di ogni jurnu, sceni di travagliu ntê campi e ne minieri. Inoltri u gruppu ha fattu vari ricerchi ni sti anni, in particolari chiddri religiusi, infatti ultimamenti hanu fattu dù CD: u primu "'A cantata de pastura" ed è dedicatu tuttu o Santu Natali; u secunnu "Cantamu a la Madonna" è dedicatu a Patruna di Enna "Maria SS. della Visitazione" in occasioni do 600° Anniversariu. Stu urtimu cd arrivò macari ne manu do Papa Benedetto XVI in occasioni dell'Incoronazione da Patruna di Enna. Hanu fattu macari u travagli di ricerca n'capu i lamenti da Simana Santa a Enna.

Abbiti

U Gruppu Kòre c' havi dù tipi di costumi tradizionali:

Unu tipicamenti sicilianu ca vesti l'òmini cu pantaluna a curta e gileccu nìguru di villutu e cammisa janca, fascia e muccaturi russu, mentri i fìmmini sù vistuti cu gileccu e gonna nìura che bordura gialli e virdi (i culura di Enna) cu fadali jancu mirlittatu a manu.
Unu tipicamenti ennisi di vellutu(abbiti rilativi a l’annu 1850).

Strumenti

U Gruppu Kòre usa strumenti musicali tìpici do folclori sicilianu: friscalettu, tammuru, bùmmulu, marranzanu e àutri strumenti ca vininu 'ntigrati abbirmenti cumu a chitarra, mandolinu e a fisarmònica. Ni sti urtimi ani hanu ripigliatu macari a sunari i ciarameddri, infatti i dù ciaramiddrari vanu a sonanu pè cugliuti de Beddrivì, dò Signuruzzu di Papardura e ovviamenti in tutta a Sicilia no periudu nataliziu.

Discugrafìa

Album

U kòri di Enna, Annu 2003. No cd su presenti canzuni e tarantelli tipichi siciliani.
'A cantata de pastura, Annu 2011. U cd è dedicatu interamenti o Santu Natali.
Cantamu a la Madonna, Annu 2012. U cd è dedicatu a Patruna do populu ennisi "Maria SS. della Visitazione" in occasioni do 600° Anniversariu.

Liami 'nterni

Cantanti e gruppi musicali siciliani

Liami esterni