Friscalettu

Dâ Wikipedia, la nciclupidìa lìbbira.
Jump to navigation Jump to search
Nu friscalettu

Lu friscalettu (chiamatu macari fràutu, fischiettu, frischiettu, o faraùtu, a secunnu dê diminzioni) è nu strumentu musicali a ciatu di urìggini greca, custruitu ccu canna miditirrania.
Lu sonu dô friscalettu addiventa acutu o gravi a secunnu dû spissori ca pussedi la canna. Duranti la sò custruzzioni, veni tagghiata la chianta di canna nudosa prima e dopu i dui nodi, 'n modu di dari vita a la mbuccatura di na parti e a la chiusura o " culazza" di l'àutra; parti dâ mmuccatura veni fatta di lignu diversu dâ canna, spissu cu lignu di piru.

Midiamenti lu "friscalettu" havi na lunghizza di 12/30 cm. e nu diamitru di 10/20 mm.. Nta la parti scigghiuta comu supiriori, vènunu fatti pi tutta la lunghizza dâ canna setti pirtusa, mentri nta la parti nfiriuri li pirtusa sunnu dui, cchiù n'àutru pirtusu di sfiatu pû sonu, oltri â mmuccatura.
Asìstinu dui tipi di friscalettu, chiddu 'n Do e chiddu 'n La, lu primu havi na lunghizza tra dùdici e vinti cintimitri, mentri lu secunnu è di diminzioni maggiuri.

Lu friscalettu veni custruiutu sulu artiggianarmenti, oramai di picca mastri, picchì e dispìcili arrinèsciri a fari nu friscalettu ntunatu cu li pirtusa dâ diminzioni justa e nnâ pusizzioni justa; nfatti siddu si sbagghia macari sulu di tanticchia, lu friscalettu nun veni bonu e la canna si pò jittari.

Lu friscalettu usatu pi tanti èbbichi dê picurari ca avianu nti iddu l'unica cumpagnìa mentri ca li pècuri pasculavunu ntê muntagni, veni usatu oggi nnê gruppi folklorìstichi siciliani comu prima vuci, spissu accumpagnatu dâ fisarmònica, dâ chitarra, dû marranzanu, dû bùmmulu e dû tammureddu.

Cart3.gif Folklori sicilianu Marranzano.jpg
Ciaramedda | Marranzanu | Friscalettu | Bùmmulu | Tammureddu | Carrettu sicilianu | Òpira dî pupi | Canzuni siciliani |