Indi Uccidintali

L'Indi Uccidintali, pi l'europei dû sèculu XV, èranu lu cuntinenti amiricanu scupertu â fini dû sèculu di navigatura spagnoli, guidati di l'italianu Cristòfuru Culommu, e portughisi. Stu fattu fu d'accussì picchì li canuscenzi giogràfichi èranu limitati ê terri finu a ddu tempu scuperti e pi chissu viaggiannu pi mari versu l'uccidenti si pinzava di pputiri jùnciri â costa livanti di l'India canusciuta tanu sultantu attraversu li viaggi via terra. Sulu ntô sèculu pròssimu chî mprisi di Ferdinandu Magellanu, si capìu ca li tirritori scuperti èranu nu novu cuntinenti, zzoè lu cuntinenti amiricanu.