IHS

Dâ Wikipedia, la nciclupidìa lìbbira.
Monugramma di Gisù Cristu

IHS è un monugramma di Gisù Cristu. Cunzisti nta na cumminazzioni di littri di l'arfabbetu grecu o di l'arfabbetu latinu ca fòrmanu n'accurzatura di lu nomu di Gisù Cristu. Pirchissu, IHS è tradizziunarmenti usatu comu nu sìmmulu cristianu.

Ntâ tradizzioni cattòlica, IHS diriva di li tri primi littri di lu nomu grecu di Gisù: iota-eta-sigma. Si pò nutari ca la littra greca eta fu traslittrata cu la littra latina H, facirmenti pirchì ci hannu na grafìa sìmuli.

"IHS" è ntrippitatu di sòlitu comu l'accurzatura di Iesus Hominum Salvator ("Gisù, sarvaturi di l'omu", n latinu) o comu l'accurzatura di in hoc signo vinces, assuciata allura a la visioni di Custantinu lu Granni.

Nta l'Italia[cancia | cancia la surgenti]

Ntâ Tuscana cuntinintali e nta chidda nzulari (p'esempiu l'Ìsula dâ Maddalena) lu monugramma IHS s'attrova di sòlitu ntê casi antichi.