Hantura

Dâ Wikipedia, la nciclupidìa lìbbira.
Jump to navigation Jump to search

Li Hantura è nu gruppu musicali calabbrisi di mùsica ètnica. Tutti li canzuni sunnu cantati nta la parrata calabbrisa.

Lu gruppu[cancia | cancia la surgenti]

Si dèdica cu granni abnigazzioni a la rivalutazzioni di li canti tradizziunali calabbrisi cu riguardu particulari a lu sò tirritoriu d'orìggini: Pulicastru. La mùsica ca li Hantura prupòninu nta li sò spittàculi traccia essinziarmenti li tratti di la cultura e di la mùsica pupulari calabbrisa, sprissioni di li sintimenti, di lu sfogu, di la ribbillioni, di l'onuri di l'omu di lu Sud ca s'artìcula nta la nterpritazzioni di ddi sònira ca richiàmanu e spièganu l'armi di lu Sud.

L’amuri pi la mùsica ètnica, l'amuri pi la tradizzioni, l'amuri pi rìttimi ncuntrastati di la tarantella di lu Sud, ca sempri chiossai vidi accustàrisi tanti giùvini, lu gruppu calabbrisi ammuttau a nun glubbalizzàrisi di mùsica nnustriali prisenti sulu nta la scena televisiva, ma di turnari a l'orìggini pi fari arrisèntiri lu leccu puèticu di la tàranta di lu Sud, la subblimitati di li canti amurusi calabbrisi, la mùsica viva e ncridibbilmenti gnurata di na Calabbria ridiviva e lucenti. Nu ritornu a l'orìggini pi dari nu missaggiu novu, nu missaggiu nun stereotipatu, nun disuetu, nu missaggiu chinu di lu ciarmu di nu Sud arrivalutatu, di nu Miridiuni mai chiù bistrattatu, di na Calabbria china di risorsi.

Biografìa[cancia | cancia la surgenti]

Li Hantura nàscinu nta lu 2001 e ci hannu a lu sò attivu nummirusi cuncerti nta li vari chiazzi d’Italia e d’Europa, e tri travagghii discogràfici, Hantura nisciutu nta lu 2004, Suddanima nisciutu nta lu 2007 e Taranterra nisciutu nta la stati di lu 2011.

Participazzioni a abbinimenti culturali[cancia | cancia la surgenti]

Hannu noltri a lu sò attivu esibbizzioni nta li vari rassegni ètnichi, participazzioni a vari trasmissioni televisivi e radiofònichi Rai tra li quali Linea Verde supra Rai Uno, lu Settimanale supra Rai Tre e Mezzogiorno in Famiglia supra Rai Due, e macari participazzioni televisivi a trasmissioni riggiunali quali Tirullallero n unna supra Video Calabria.

Nta lu 2009 s'esibberu a lu Teatro Cristallo di Bozzanu nta la rassegna “Racconti di Musica”, ùnicu gruppu di lu Miridiuni d’Italia.

Participaru midemma a rassegni di mùsica ètnica quali lu Festival dello Stretto e nta lu 2009 a lu “Kaulonia Tarantella Festival” diriggiutu di Eugenio Bennato.

Citazzioni[cancia | cancia la surgenti]

  • “L'uomo grida dovunque la sorte d'una patria.”
  • “Noi la racconteremo e canteremo sempre, affinché potremo ancora riportare al Sud quanti tuttora ne sono lontani. D'altronde si torna al Sud come si torna all'amore.”

Mèmmira[cancia | cancia la surgenti]

  • Raffaella Caruso: vuci
  • Gino Carvelli: chitarra battenti, mannòla
  • Mario Carvelli: ciati, voce, cori
  • Francesco Comberiati: chitarri, mannòla
  • Franco Grano: battarìa, cori
  • Gianluca Grisi: bassu
  • Francesco Sisca: tammureddi, pircussioni
  • Domenico Ziparo: fisarmònica