Grasta
La grasta (dû latinu gastra, cunfruntu cu lu grecu gàstra)[1] e' nu tipu di vasu o bùmmulu, usatu spiciarmenti pi cultivari li ciuri e chianti, o dintra â casa o fora dâ casa. Spissu la gastra veni fatta di tirracotta o ciràmica. 'N tanti parrati, la prununzia e' /rasta/.
Lu plurali, grasti, pò rifiriri a li pezzi o frammenti di n'uggettu di tirracotta. Pi chissu si dici: unni cci sunnu grasti, cci sunnu festi, chi signìfica si cci nn'attròvanu la tirracotta a pezzi pezzi, cci appi a èssiri na festa.[2]
Modi di diri
[cancia | cancia la surgenti]- fari grasti cu unu - sciarriari, litigari
- aviri lu pettu na gastra - aviri tanti catarri ntô pettu
- li grasti si canùscinu a li pignati - doppu na longa prova si capisci chi e' cchiù risistenti.[3]
Rifirimenti
[cancia | cancia la surgenti]- ↑ Giarrizzo, Salvatore (1989) Dizionario Etimologico Siciliano, Herbita Editrice, Palermo
- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo
- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo