Giustu Catania

Dâ Wikipedia, la nciclupidìa lìbbira.

Giustu Catania (Palermu, 10 di giugnu 1971) è n'omu pulìticu sicilianu, espunenti di Rifunnazzioni Cumunista.

Doppu avìrisi pigghiatu la làuria n Lìttiri Muderni, ntô 1996, e l'abbilitazzioni ô nzignamentu di materi littirari, dû 2004 è scrivutu a nu cursu di dutturatu 'n pidaguggìa nterculturali nti l'Univirsitati di Palermu.

La sò attività pulìtica accumincia ntô 1989 quannu si scrivi â Fidirazzioni Giuvanili dê Giovani Cumunisti Taliani, l'assuciazzioni giuvanili dû Partitu Cumunista Talianu. Quannu st'ùrtimu si sfascia, trasi ntô partituRifunnazzioni Cumunista. Ntô 1994 è numinatu sicritariu dê giòvini cumunisti 'n Sicilia e nu annu appressu trasi ntô cumitatu riggiunali sicilianu di stu partitu.

Lassa sti uffici ntô 1996, quannu veni numinatu siggritariu cumunali e pruvinciali dâ Rifunnazzioni Cumunista a Palermu. Ntô 2001, è numinatu a siggritariu riggiunali di Rifunnazzioni, ufficiu ca lassa ntô 2005 pi rinunzia. Ntô 2000 hà statu chiossai eliggiutu cunzigghieri cumunali di Palermu, addivinennu lu capugruppu di Rifunnazzioni Cumunista ô cumuni.

Pi picca tempu, sempri ntô 2000, hà statu membru di l'esicutivu cumunali cu dèliga nti l'attività culturali, ma lassau tali travagghiu pi quistioni câ junta dâ Casa dî Libbirtà.

Ntô 2004 si candidau ê elizzioni eurupei ntâ circuscrizzioni ìsuli: li sò duducimila prifirenzi fannu scattari pi Rifunnazzioni lu quintu postu ca â fini ci veni assignatu. Ntô parlamentu di Strasburgu si scrivi ô gruppu dâ Manca unitaria eurupea/Manca virdi nòrdica (cumunisti), addivintannu Membru dâ Cummissioni pê libbirtà civili, la justizzia e l'affari nterni, Membru dâ Cummussioni pô sviluppu riggiunali, Membru sustitutu pâ diligazzioni pê rilazzioni cu l'Iran, Membru dâ diligazzioni pê rilazzioni chê paisi dû Maghreb e l'Unioni dû Maghreb àrabbu (cumpresa la Libbia). S'hà noltri rinnutu dispunìbbili a sustituiri li participanti di àutri diligazzioni quaddura iddi nun fùssuru dispunìbbili.

Nti stu rolu hà dinunziatu la prisenza di veri e propi lager 'n Libbia. Noltri ntô Parlamentu eurupeu hà statu appruvata na sò liggi anti-pruibbizziunista supra li droghi leggi.

Ntô 2007 participau ê primarìi di l'Unioni ca dicrètanu lu novu candidatu sìnnucu dû centru-manca: la sfida elitturali, ca si svurgìu lu 4 di frivaru, lu visti pigghiari sulu lu 7,5% dê prifirenzi contra lu 19,7% di Alissantra Siragusa e lu 72% di Lioluca Urlannu.