Giuseppi D'Alesi
Giuseppi D'Alesi (Polizzi Generosa, 1612 – Palermu, 22 di austu 1647) fu nu rivuluzziunariu sicilianu. Passau â storia pi aviri capiatu nu motu antispagnolu a Palermu ntô misi di austu dû 1647.
Biografìa
[cancia | cancia lu còdici]Stabbilitusi a Palermu unni si misi a travagghiari comu artiggianu orefici, Giuseppi D'Alesi si fici canusciri puru pi la sò pussenza e la sò abbilitati ntî lu maniamentu di l'armi. Ncarciratu, arriniscìu a scappari a Napuli unni assistìu ô motu di Masaniellu.
Lu motu antispagnolu di Palermu
[cancia | cancia lu còdici]Arritrunatu a Palermu, lu 15 di austu dû 1647 si misi a capu di nu motu vitturiusu ca lu puratu a Palazzu riali, facennu fujiri lu vicerè di l'èbbica e pigghiannu lu cuntrollu puliticu dâ Sicilia. Li sò primi pruvvidimenti foru di eliminari li tassi esorbitatni ca eranu esiggiuti a vari corpi di misteri, evitannu ntô stissu tempu li saccheggi contra la nobbiltati spagnola. Lu 22 di austu, na simana addoppu, pirò la contrurivorta agghicau a ammazzarlu, la sò testa fu tagghiata e espunuta pubbricamenti â pupulazzioni, mittennu fini definitivamenti ô motu antispagnolu di Palermu.
Ntî l'abbinimenti liati ô motu antispagnolu fu ammazzatu puru Pietru Novelli, lu massimu pitturi sicilianu dû '600.