Puzzaddu: Nti st'ùrtimi jorna si signalanu 5'000 extracumunitari sbarcati ntê costi siciliani. Ntra li sbarchi, diversi dicini di cadàviri di pirsuni morti duranti la travirsata. Li superstiti pàrranu di diversi dicini di àutri dispersi n mari.
Gaza: lu bilanciu umanu provvisoriu dê cummattimenti tra Hamas e Israeli è di circa 1300 morti palistinisi, pi lu cchiossai civili, e di na cinquantina di surdati israiliani. Na tregua duratura appirora appari luntana.
Lugansk: Ntô quatru dâ guerra tra li siparatisti dû Donbass e li forzi dû cuvernu ucrainu, n'aeriu civili malisianu ca survulava la zona fu abbattutu pi sbagghiu, facennu 298 morti. Li siparatisti sunnu accusati di aviri tiratu lu razzu ca abbattìu l'aeriu, forsi aiutati dê puru dê russi.
Striscia di Gaza: La situazzioni è assai critica. Lu Hamas lancia bummi versu lu tirritoriu di Israeli, ca vènunu ntiricittati dû sistema antimissili israilianu. Israeli arrispunni cu raid supra la striscia di Gaza fa nzin'ora fìciru ggià cchiossai di 100 morti.
